آتی ہے مجھ کو خوشبو مدینے کی دھول سے

آتی ہے مجھ کو خوشبو مدینے کی دھول سے
چہرہ دمک رہا ہے یوں عشقِ رسولﷺ سے

میری تو بس یہی ہے شب و روز اب دعا
آئے بلاوا میرا بھی درِ رسولﷺ سے

جتنی بھی مشکل آن پڑے کوئی غم نہیں
دل کو سکون ملتا ہے ذکرِ رسولﷺ سے

مجھ کو کسی دوا کی بھی حاجت نہیں رہی
مجھ کو شفا ملے گی مدینے کی دھول سے

میں کیوں رہوں پریشاں زمانے کی چال سے
مجھ کو ہے پیار انﷺ کے بتائے اصول سے

مجھ کو نہیں ہے جانا کہیں بھی یہاں سے اب
اٹھ کر کہاں میں جاؤں گا درِ رسولﷺ سے

رحمت بنا کے بھیجا ہے سارے جہان کی
سب کچھ ملے گا ہم کو دیارِ رسولﷺ سے