اندھیری زندگی میں ، سحر کردو

اندھیری زندگی میں ، سحر کردو
میرے نام کوئی اک ، پہر کردو

بہتا ہوں اک ندی کی طرح
مجھ میں ملکر مجھ کو ، بحر کردو

کبھی سوجاؤ کاندھے پر سر رکھ کر
اور زندگی یونہی ، بسر کردو

وقت بیت نہ جائے باتوں میں
قصہ کچھ ، مختصر کردو

ُ ُ ُصرف تمہاری ہوں ُ ُ کے جملے کو
وفاؤں کا میری ، ثَمر کردو

مکاں میں لا مکاں سا ہوں
میرے مکاں کو ، گھر کردو

میں اب تمہارے در کا ہوں
جدھر چاہو ، ادھر کردو

مانا کہ عشق اک خطرہ ہے
چلو مجھے پُر ، خطر کردو

باقی ہے کام زمانے کا
تم مجھ پر بس اک نظر کردو

یہ حسرتیں پوری میری
نہ چاہے جی ، مگر کردو