Add Poetry

بے چین بہت پھرنا گھبرائے ہوئے رہنا

Poet: Munir Niazi By: tahir, khi
Be Chain Bohat Phirna Ghabraye Hue Rehna

بے چین بہت پھرنا گھبرائے ہوئے رہنا
اک آگ سی جذبوں کی دہکائے ہوئے رہنا

چھلکائے ہوئے چلنا خوشبو لب لعلیں کی
اک باغ سا ساتھ اپنے مہکائے ہوئے رہنا

اس حسن کا شیوہ ہے جب عشق نظر آئے
پردے میں چلے جانا شرمائے ہوئے رہنا

اک شام سی کر رکھنا کاجل کے کرشمے سے
اک چاند سا آنکھوں میں چمکائے ہوئے رہنا

عادت ہی بنا لی ہے تم نے تو منیرؔ اپنی
جس شہر میں بھی رہنا اکتائے ہوئے رہنا

Rate it:
Views: 3299
08 May, 2019
More Munir Niazi Poetry
Popular Poetries
View More Poetries
Famous Poets
View More Poets