Add Poetry

باغ جہاں کے گل ہیں یا خار ہیں تو ہم ہیں

Poet: Khwaja Mir Dard By: sana, khi
Baagh Jahan Ke Gul Hain Ya Khaar Hain To Hum Hain

باغ جہاں کے گل ہیں یا خار ہیں تو ہم ہیں
گر یار ہیں تو ہم ہیں اغیار ہیں تو ہم ہیں

دریائے معرفت کے دیکھا تو ہم ہیں ساحل
گر وار ہیں تو ہم ہیں اور پار ہیں تو ہم ہیں

وابستہ ہے ہمیں سے گر جبر ہے و گر قدر
مجبور ہیں تو ہم ہیں مختار ہیں تو ہم ہیں

تیرا ہی حسن جگ میں ہر چند موجزن ہے
تس پر بھی تشنہ کام دیدار ہیں تو ہم ہیں

الفاظ خلق ہم بن سب مہملات سے تھے
معنی کی طرح ربط گفتار ہیں تو ہم ہیں

اوروں سے تو گرانی یک لخت اٹھ گئی ہے
اے دردؔ اپنے دل کے گر بار ہیں تو ہم ہیں

Rate it:
Views: 2247
08 Jan, 2020
Related Tags on Khwaja Mir Dard Poetry
Load More Tags
More Khwaja Mir Dard Poetry
Popular Poetries
View More Poetries
Famous Poets
View More Poets