Add Poetry

مینوں سکھ دا سنیہڑا توں جھب لیاویں وے

Poet: Bulleh Shah By: ebtisam, khi
Mennu Sukh Da Sunhera Toon Jhab Liyaween Way

مینوں سکھ دا سنیہڑا توں جھب لیاویں وے
پاندھیا ہو

میں کبڑی میں دبڑی ہوئی آں
میرے سبھ دکھڑے بتلاویں وے
پاندھیا ہو

کھلیاں لٹاں گل دست پراندا
ایہہ گل آکھیں، نہ شرمائیں وے
پاندھیا ہو

اک لکھ دیندی میں دو لکھ دیساں
مینوں پیارا آن ملاویں وے
یاراں لکھ کتابت بھیجی
کِتے گوشے بہہ سمجھاویں وے
پاندھیا ہو

بلھا شوہ دیاں مڑن مہاراں
لکھ پتیاں توں جھب دھاویں وے
پاندھیا ہو

مینوں سکھ دا سنیہڑا توں جھب لیاویں وے
پاندھیا ہو
 

Rate it:
Views: 2646
24 Feb, 2020
Related Tags on Bulleh Shah Poetry
Load More Tags
More Bulleh Shah Poetry
Popular Poetries
View More Poetries
Famous Poets
View More Poets