Add Poetry

اس مرگ کو کب نہیں میں سمجھا

Poet: Mushafi Ghulam Hamdani By: jabeen, khi
Is Merg Kab Nahi Mein Samjha

اس مرگ کو کب نہیں میں سمجھا
ہر دم دم واپسیں میں سمجھا

انداز ترا بس اب نہ کر شور
اے نالۂ آتشیں میں سمجھا

تب مجھ کو اجل ہوئی گوارا
جب زہر کو انگبیں میں سمجھا

اک خلق کی سر نوشت بانچی
اپنا نہ خط جبیں میں سمجھا

جوں شانہ کبھو تہہ پینچ تیرے
اے کاکل عنبریں میں سمجھا

کیا فائدہ آہ دم بہ دم سے
ہے درد دل حزیں میں سمجھا

پھر اس میں نہ شک نے راہ پائی
جس بات کو بالیقیں میں سمجھا

جب اٹھ گئی ضد تو ہر سخن میں
سمجھا تو کہیں کہیں میں سمجھا

موئے کمر اس کا کیا ہے اے عقل
سمجھا تو مجھے نہیں میں سمجھا

لکھی غزل اس میں مصحفیؔ جلد
جس کو کہ نئی زمیں میں سمجھا

Rate it:
Views: 737
05 Dec, 2016
More Mushafi Ghulam Hamdani Poetry
Popular Poetries
View More Poetries
Famous Poets
View More Poets