Add Poetry

انداز ہو بہو تری آواز پا کا تھا

Poet: Ahmad Nadeem Qasmi By: bashar, khi
Andaaz Ho Baho Tri Aawaz Pa Ka Tha

انداز ہو بہو تری آواز پا کا تھا
دیکھا نکل کے گھر سے تو جھونکا ہوا کا تھا

اس حسن اتفاق پہ لٹ کر بھی شاد ہوں
تیری رضا جو تھی وہ تقاضا وفا کا تھا

دل راکھ ہو چکا تو چمک اور بڑھ گئی
یہ تیری یاد تھی کہ عمل کیمیا کا تھا

اس رشتۂ لطیف کے اسرار کیا کھلیں
تو سامنے تھا اور تصور خدا کا تھا

چھپ چھپ کے روؤں اور سر انجمن ہنسوں
مجھ کو یہ مشورہ مرے درد آشنا کا تھا

اٹھا عجب تضاد سے انسان کا خمیر
عادی فنا کا تھا تو پجاری بقا کا تھا

ٹوٹا تو کتنے آئنہ خانوں پہ زد پڑی
اٹکا ہوا گلے میں جو پتھر صدا کا تھا

حیران ہوں کہ وار سے کیسے بچا ندیمؔ
وہ شخص تو غریب و غیور انتہا کا تھا

Rate it:
Views: 2307
09 Jan, 2020
Related Tags on Ahmad Nadeem Qasmi Poetry
Load More Tags
More Ahmad Nadeem Qasmi Poetry
Popular Poetries
View More Poetries
Famous Poets
View More Poets