Add Poetry

بہت تھا خوف جس کا پھر وہی قصا نکل آیا

Poet: Bashar Nawaz By: raheel, khi
Bohat Tha Khauf Jis Ka Phir Wahi Qissa Nikal Aaya

بہت تھا خوف جس کا پھر وہی قصا نکل آیا
مرے دکھ سے کسی آواز کا رشتا نکل آیا

وہ سر سے پاؤں تک جیسے سلگتی شام کا منظر
یہ کس جادو کی بستی میں دل تنہا نکل آیا

جن آنکھوں کی اداسی میں بیاباں سانس لیتے ہیں
انہیں کی یاد میں نغموں کا یہ دریا نکل آیا

سلگتے دل کے آنگن میں ہوئی خوابوں کی پھر بارش
کہیں کونپل مہک اٹھی کہیں پتا نکل آیا

پگھل اٹھتا ہے اک اک لفظ جن ہونٹوں کی حدت سے
میں ان کی آنچ پی کر اور بھی سچا نکل آیا

گماں تھا زندگی بے سمت و بے منزل بیاباں ہے
مگر اک نام پر پھولوں بھرا رستا نکل آیا

Rate it:
Views: 808
17 Feb, 2020
More Bashar Nawaz Poetry
Popular Poetries
View More Poetries
Famous Poets
View More Poets