Add Poetry

رشتے سے محافظ کا خطرہ جو نکل جاتا

Poet: Zehra Nigah By: raza, khi
Rishte Se Muhafiz Ka Khatrah Jo Nikal Jata

رشتے سے محافظ کا خطرہ جو نکل جاتا
منزل پہ بھی آ جاتے نقشہ بھی بدل جاتا

اس جھوٹ کی دلدل سے باہر بھی نکل آتے
دنیا میں بھی سر اٹھتا اور گھر بھی سنبھل جاتا

ہنستے ہوئے بوڑھوں کو قصے کئی یاد آتے
روتے ہوئے بچوں کا رونا بھی بہل جاتا

کیوں اپنے پہاڑوں کے سینوں کو جلاتے ہم
خطرہ تو محبت کے اک پھول سے ٹل جاتا

اس شہر کو راس آئی ہم جیسوں کی گم نامی
ہم نام بتاتے تو یہ شہر بھی جل جاتا

وہ ساتھ نہ دیتا تو وہ داد نہ دیتا تو
یہ لکھنے لکھانے کا جو بھی ہے خلل جاتا

Rate it:
Views: 1115
18 Jan, 2017
More Zehra Nigah Poetry
Popular Poetries
View More Poetries
Famous Poets
View More Poets