Add Poetry

مل ہی جائے گا کبھی دل کو یقیں رہتا ہے

Poet: Ahmad Mushtaq By: Waqas, khi
Mil Hi Jaye Ga Kabhi Dil Ko Yaqeen Rehta Hai

مل ہی جائے گا کبھی دل کو یقیں رہتا ہے
وہ اسی شہر کی گلیوں میں کہیں رہتا ہے

جس کی سانسوں سے مہکتے تھے در و بام ترے
اے مکاں بول کہاں اب وہ مکیں رہتا ہے

اک زمانہ تھا کہ سب ایک جگہ رہتے تھے
اور اب کوئی کہیں کوئی کہیں رہتا ہے

روز ملنے پہ بھی لگتا تھا کہ جگ بیت گئے
عشق میں وقت کا احساس نہیں رہتا ہے

دل فسردہ تو ہوا دیکھ کے اس کو لیکن
عمر بھر کون جواں کون حسیں رہتا ہے

Rate it:
Views: 2421
15 Jan, 2020
Related Tags on Ahmad Mushtaq Poetry
Load More Tags
More Ahmad Mushtaq Poetry
Popular Poetries
View More Poetries
Famous Poets
View More Poets