Add Poetry

ہندوستانی اقلیتوں کی فریاد

Poet: Dr Masood Mehmood Khan By: Dr Masood Mehmood Khan, Perth, Australia

وہ جوہندوستان تھا اقبال کا اچھا جہاں
حال اس کا دیکھ کر روتے ہیں اب سات آسماں
گلشنِ ہندوستاں کی ہر کلی مر جھائی ہے
شبنمِ اُلفت کہاں ہے بادِ نفرت آئی ہے

دیکھ دستِ گردشِ ایام کی تحریر کو
تنگ دلی پر تنگ ہوتی آہنی زنجیر کو
سن چمن میں بلبلِ بیباک کی
باغیانہ اور بلند آہنگ اس تقریر کو

میرے آبا نے بنائی کشورِ ہندوستاں
خونِ دل دے کر سجائی کشورِ ہندوستاں
ٹکڑے ٹکڑے عصبیت نے کردیا ہندوستاں
نقشِہ عالم سے مٹ جائے نہ اب اس کا نشاں

کہ رہا ہے آج ہندوستان سے سارا جہاں
آشتی اور امن میں ہی خیر سب کی ہے یہاں
کب تلک یہ وسوسے، اندیشہِ سودو زیاں
احترامِ آدمیت کیلئے کھو لیں زباں

Rate it:
Views: 408
26 Dec, 2019
Related Tags on Life Poetry
Load More Tags
More Life Poetry
Popular Poetries
View More Poetries
Famous Poets
View More Poets