پہلے میرے بال قدرتی طور پر بہت اچھے چمکدار اور مضبوط تھے مگر میں ان کا خیال نہیں رکھتی تھی اور نہ ہی ان میں آئل لگاتی تھی جس کی وجہ سے رفتہ رفتہ میرے بال خراب ہونے لگ گئے. .
جب بھی میری ملاقات میری نانی سے ہوتی وہ مجھے صرف ایک ہی بات بولتی رہتی تھیں اتنے خوبصورت بال تھے سارے فیشن کے چکر میں خراب کرلئے ، وقت پر ان کی قدر کرلیتی تو آج یوں روکھے سوکھے جھاڑو کے تنکوں جیسے بال نہ لئے گھومتی اب بھی وقت ہے لگا لو ان میں انڈہ دہی کچھ تو سدھر جائیں گےیہ سن کر مجھے اچھا نہیں لگتا تھا اور انڈے کا نام سن کر ذہن میں اس کی بو آنے لگتی تھی جوکہ ناگوار گزرتی تھی۔ .
ایک دن بارش میں نہانے کے بعد جب میں آئی تو بال خشک ہو کر بلکل خراب اور روکھے سے لگ رہے تھے اور جب کنگھی کی تو اتنے بال ٹوٹے کہ مجھے تشویش ہونے لگ گئی کہ کہیں میں گنجی ہی نہ ہوجاؤں۔اس وقت میں کچن میں گئی اور نانی کی بات یاد کرتے ہوئے ان کا بتایا ہواٹوٹکہ آزمانے کا سوچا۔
.
ٹوٹکہ:
• ایک پیالی میں ایک انڈہ توڑا اور اس میں چار چمچ دہی مکس کرکے اپنے بالوں میں اچھی طرح لگالی۔
• اس کو ایک گھنٹے کے لئے چھوڑ دیا اور پھر سادے پانی سے سر دھو لیا۔
• اس عمل سے میرے بالوں میں بو ضرور آئی مگر شیمپو نہ کرنے کی وجہ سے وہ آئلی ہوگئے تھے اور کنگھی کرنے سے کچھ چمکدار سے لگ رہے تھے ۔
• اگلے دن میں نے جب بالوں میں شیمپو کیا تو میں نے واضح فرق محسوس کیا کہ میرے بالوں کا روکھا پن کسی حد تک کم ہوگیا اور بال اتنی آسانی سے سیدھے ہوگئے۔
• انڈہ دہی کو پہلی مرتبہ استعمال کرکے ہی میرے بالوں میں بہت فرق پڑا تھا جس کے بعد میں نے اسے ہفتے میں ایک مرتبہ بلاناغہ استعمال کرنا شروع کردیا۔
• ایک مہینے میں ہی مجھے لگا کہ نانی کا یہ نسخہ واقعی کارآمدہے جو میرے روکھے بالوں میں جان ڈال رہا ہے۔
• ہرہفتے تو میں یہ عمل لازمی دہراتی ہوں مگر جب بھی مجھے کسی تقریب میں جانا ہوتا ہے اس سے ایک دن پہلے میں بالوں میں انڈہ دہی لگالیتی ہوں تاکہ اگلے روز جب میں بالوں کو کنگھی کروں تو یہ نرم ملائم اور چمکدار نظرآئیں۔
آپ بھی اس ٹوٹکے کو ایک ماہ استعمال کرکے دیکھیں اگر اپ کو بھی فرق نظرآئے تو اس کااستعمال جاری رکھیں ۔
.