بالوں کو رنگنا آج کل فیشن میں ہے چاہے آپ کے بال سفید ہوں یا نہ ہوں مرد ہوں یا خواتین سب کو ہی الگ الگ رنگ کرنے کا شوق ہے اور کچھ لوگ سفید بالوں کو چُپانے کے لئے بھی بالوں میں رنگ کرتے ہیں۔

لیکن وجہ کوئی بھی ہو بالوں کو کلر کرتے وقت چند باتوں کا خیال رکھنا بےحد ضروری ہے ورنہ آپ کو نقصان بھی اُٹھانا پڑ سکتا ہے، وہ کون سی باتیں ہیں جن کا خیال رکھنا بےحد ضروری ہے آیئے آج ہم آپ کو یہ معلومات فراہم کرتے ہیں۔

بالوں کو رنگتے وقت کنِ باتوں کا خیال رکھنا ضروری ہے؟

ہیئر کلرنگ ایک نازک مرحلہ ہے جس کے لیے اس کے بارے میں علم اور تجربے کی ضرورت ہوتی ہے، اس لئے ضروری ہے کہ بالوں کو رنگتے وقت ذیل میں بتائی ہوئی چند باتوں خیال رکھا جائے۔

• ہیئر سیلون میں نہ جانا

گھر پر کئی لوگ خود بالوں کو رنگ لیتے ہیں مگر انہیں چاہیے کہ وہ ماہرین کی رہنمائی میں بالوں کو رنگ کروائیں اور ان کے بتائے ہوئے رنگ کا انتخاب کریں ورنہ اپنی مرضی سے کسی بھی کمپنی اور کسی بھی رنگ کو بالوں میں کرنے سے آپ کے بال خراب ہو سکتے ہیں۔

• بلاضرورت رنگ نہ کریں

اکثر لوگ بے وجہ ہی بار بار بالوں کو رنگ تبدیل کرواتے رہتے ہیں اور اگر گہرا رنگ ہوا ہو تو اسے اُتروانے اور ہلکا رنگ کروانے کے لئے بہت زیادہ کیمیکل والے پراڈکٹس کا استعمال کرنا پڑتا ہے اس لئے کوشش کریں کہ اگر رنگ اُتر گیا ہے سفید بال نظر آ رہے ہیں تو ہی بالوں کو دوبارہ رنگ کریں۔

• رنگ کے اوپر دوسرا رنگ نہ لگائیں

ماہرین مشورہ دیتے ہیں کہ اگر آپ نے جو رنگ کروایا ہے وہ ویسا نہیں آیا جیسا آپ چاہتے ہیں تو اس پر مزید کوئی دوسرا رنگ نہ کروائیں بلکہ 1 سے 2 مرتبہ شیمپو کرنے کے بعد وہ رنگ آ جائے گا تو بہتر ہے کہ انتظار کریں مختصر عرصے میں نتائج بہتر ہوں گے۔