الائچی تو ہم سب کے کچن میں موجود ہوتی ہے کیونکہ تیکھےکھانے بنانے ہوں یا کوئی میٹھا آئٹم الائچی تو جناب لازمی ڈلتی ہے. الائچی کے فوائد سے تو آپ واقف ہوں گے ہی کہ اس میں صفر کیلوریز، پوٹاشیئم، سوڈیئم، وٹامن اے، سی ، ڈی اور کوبالامن پایا جاتا ہے جو مختلف طریقوں سے اس کے استعمال کو ہمارے لئے مفید بناتے ہیں۔
عام طورپر آپ اس کو کھانوں کے ساتھ یا کچھ لوگ مائوتھ فریشنر کے طور پر استعمال کرتے ہیں اور ماہرین کی نظر میں الائچی ایک قدرتی مائوتھ فریشنر ہے جو آپ کی سانسوں کوتازگی فراہم کرتی ہے۔ مگر الائچی کو کھا کر اوپر سے گرم پانی پینے سے کیا فائدہ ہوتا ہے اگر آپ یہ بھی جان لیں تو آپ بھی اس کو ایک مرتبہ تو لازمی پی کر دیکھیں گے کہ کیا فائدہ ہے تو چلیں بتاتے ہیں آپ کو:
فوائد:
• جن لوگوں کوقبض کی مستقل شکایت رہتی ہے وہ روزانہ کھانے کے بعد ایک لائچی چبا کر اس کے اوپر آدھاگلاس گرم پانی لازمی پیئیں یہ ہاضمے سے متعلق ہر قسم کی تکلیف میں مفید ہے۔
• الائچی کے ساتھ پانی کا استعمال آنتوں کی سوزش میں کمی کے لئے مفید ہے ساتھ ہی سینے کی جلن اور متلی کی صورت میں بھی مفید ہے۔
• یہ تیزابیت کو کنٹرول کرنے میں مدد دیتا ہے۔
• اگر آپ الائچی کھانے کے بعد گرم پانی پی لیں تو آپ کے سر کے بال کسی حد تک گرنا بند ہوجائیں گے ۔
• سانس میں بدبو آئے تو بھی آپ اائچی کے بعد پانی پیئیں۔
• یہ خون کی گردش بہتر بناتا ہے اور سردرد کو ختم کرنے میں آپ کی مدد کرتا ہے۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔