پھلوں میں مختلف بیماریوں کے مسائل کا حل قدرتی طور پر پوشیدہ ہوتا ہے۔ جس کو سائنس اپنی تحقیق سے لوگوں کے لئے ثابت کرتی ہے، ان کو بتاتی ہے کہ کونسا پھل کتنا مفید ہے اور کیا اس کی تاثیر ہے۔ پھلوں کا ذکر ہو تو سب ہی یقین کرلیں کہ اس میں یمارے لئیے کیا شفاء ہے، لیکن اگر بات انہی پھلوں کے پتوں کی ہو تو یقیناً تعجب ہوگا کہ کڑوے پتے کھا کر کونی شفاء ملنی ہے۔

آج ہم بتاتے ہیں کہ سائنسی تحقیق نےامرود کے پتوں کے بارے میں کیا فوائد بیان کئیے ہیں:

1: نظامِ انہضام

امرود کے پتوں کو کھانے سے ہمارے نظامِ انہضام کو تقویت ملتی ہے اور جسم سے فاضل مادوں کا اخراج باآسانی ہوجاتا ہے۔ بس آپ ایک چمچ پسے ہوئے پتوں کا پاؤڈر پھانک لیں اور پیٹ کی صحت درست کرلیں۔

2: موٹاپے کاحل

موٹاپے کے حل کے لئے ہم بھی آپ کو اکثر نسخے بتاتے رہتے ہیں اور آپ ڈاکٹروں سے بھی دوائیں لیتے رہتے ہوں گے، لیکن اگر آپ ان تمام سے چھٹکارہ پاکر صرف امرود کے پتوں کا پسا ہوا پاؤڈر استعمال کرلیں تو آپ کو یقینی اس عمل سے فائدہ پہنچے گا۔

3: جلد کے لئے

امرود کی بنی ہر چیز ہماری جلد کے لئے بہت مفید ہے، اس کا تیل استعمال کریں تو بالوں کی نشوونما اچھی، اس کا ماسک جلد کے لئے اچھا اور اس کے پتوں کے پاؤڈر کو اگر آپ دہی میں ملا کر اس کا پیسٹ چہرے پر لگا لیں تو اس سے جلد توانا بھی ہوجاتی ہے اور کھلے مساموں کی صفائی بھی بہتر طور پر ہوجاتی ہے۔

4: انیٹی کینسر

امرود اینٹی کینسر عنصر ہے۔ اس کے پتوں میں موجود سیال جسم میں کینسر کے خلیات کو توڑنے کا کام کرتا ہے۔

5: خون سے شوگر کا خاتمہ

ماہرین کی ایک ریسرچ کے مُطابق امرود کے پتوں کا قہوہ کھانے کے بعد پینے سے خون میں بڑھنے والی شوگر کو کنٹرول کیا جاسکتا ہے کیونکہ امرود کے پتے انسولین کا مُتبادل ہیں۔ اس لئے آج سے امرود کے پتوں کو ضائع نہ کریں، بلکہ اس قدرتی چیز سے اپنے مسائل حل کریں۔\

نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔