سندھ حکومت نے صوبے بھر میں خواتین کے تحفظ اور ان کے حقوق کے لیے عورت ایپ کے نام سے موبائل ایپ متعارف کرادی ہے۔
سندھ کی صوبائی وزیر برائے حقوق نسواں سید شہلا رضا کے مطابق خواتین پر گھریلو تشدد کے بڑھتے ہوئے واقعات کا سنجیدگی سے نوٹس لیتے ہوئے عورت ایپ متعارف کرائی گئی ہے۔
شہلا رضا کا مزید کہنا تھا کہ اس موبائل ایپ کے ذریعے خواتین کو اپنے اوپر ہونے والے مظالم کے خلاف آواز اٹھانے میں مدد ملے گی اور خواتین پر تشدد کے حوالے سے ہیلپ لائن ون زیرو نائن فور بھی متعارف کرادی گئی ہے۔
ایپ سے متعلق وزیر برائے حقوق نسواں کا کہنا تھا کہ یہ موبائل ایپ استعمال میں نہایت آسان ہے۔ اس ایپ سے متعلق کل 16 حفاظتی سیل پورے سندھ میں کام کر رہے ہیں۔ اس ایپ کو اپ ویب سائٹ کے ذریعے بھی استعمال کرسکتے ہیں۔
News source : samaa