کچن کے سینک عام طور پر جلدی بھر جاتے ہیں اور ان میں کچرا پھنس جاتا ہے جس کی وجہ یہ بھی ہوتی ہے کہ جن برتنوں میں ہم کھانا کھاتے ہیں انھی میں ہڈیاں اور دیگر کھانا چھوڑ دیتے ہیں اور اس کچرے کو پھینکتے نہیں بلکہ برتنوں کو سینک میں چھوڑ دیتے ہیں اور وہی کچرا سینک میں بھر جاتا ہے اور یوں سینک آئے روز بند ہوجاتا ہے بلوکیج ہوجاتی ہے اب اگر آپ بھی اسی مسئلے سے پریشان ہیں تو ایک مرتبہ ان طریقوں کو بھی اپنالیں۔ کیونکہ گھر کی ہر چیز صاف ستھری ہی اچھی لگتی ہے اور اس میں گندگی سے اکتاہٹ خواتین کو ضرور آجاتی ہے۔
اور پھر سینک تو ایسی چیز ہے جس کو ہمیشہ صاف رہنا چاہئیے کیونکہ برتن اس میں دھلتے ہیں۔
چار طریقے:
کاسٹک سوڈا:
کاسٹک سوڈا آپ کو بازار میں آسانی سے مل جاتا ہے اس کو ایک بالٹی ٹھنڈے پانی میں مکس کریں اور سینک میں ڈال دیں اس سے سنک دس منٹ میں ہی کھل جائے گا اور آپ وک زیادہ محنت بھی نہیں کرنی پڑے گی۔
نمک، پانی اور لیموں:
نمک، پانی اور لیموں کا محلول بنا کر سنک میں ڈال کر دس منٹ چھوڑ دیں اور پھر کسی سلاخ کو سنک کے اندر گھمائیں۔ آپ دیکھیں گی کہ سنک بلکل صاف ہوجائے گا۔
بلیچ:
بلیچ ایک اچھا کلینر ہے اور سینک کی صفائی کے دوران آپ بلیچ میں آدھا چمچ بیکنگ سوڈا ڈال کر چھوڑ دیں اور کچھ دیر دور ہوجائیں۔ پندرہ منٹ جب آپ سنک صاف کریں گی تو یہ فوری اور آسانی سے صاف ہو جائے گا۔
سرکہ اور بیکنگ سوڈا:
سرکہ چونکہ ایسٹک ایسڈ ہے اور بیکنگ سوڈا میں جراثیموں کو مارنے کی صلاحیت ہوتی ہے لہٰذا ان دونوں کا محلول تیار کرلیں اور پائیں صاف ستھرا شاندار سنک وہ بھی آسانی سے۔
آپ بھی ضرور ٹرائی کیجیئے گا۔