اکثر خواتین دالیں اور اناج میں کیڑا لگنے کی وجہ سے پریشان رہتی ہیں۔ اب بات یہ آتی ہے کہ ان کو کیسے کیڑوں سے دور رکھا جائے۔ اس کے لئے آج ہم پیش کررہے ہیں چند ایسے گھریلو طریقے جن کی مدد سے آپ اناج کو محفوظ بنا سکتی ہیں۔
* چنے اور مونگ کی دال:
چنے اور مونگ کی دال کو آپ جس ڈبے میں رکھتی ہیں اس میں سب سے پہلے ثابت نمک کے دو سے تین موٹے ٹکڑے ڈالیں، پھر آدھی دال ڈالیں اور دوبارہ نمک کے ٹکڑے ڈال کر بقایا دال کو اس پر ڈال دیں اور ڈھکن بند کردیں۔ اس طرح آپ کی دال زیادہ عرصے تک کیڑوں سے محفوظ رہ سکے گی۔
* مسور کی دال
مسور کی دال کو محفوظ کرنے کے لئے اس میں نیم کے سوکھے ہوئے پتے ڈال دیں اس سے یہ دیرپا استعمال کی جاسکے گی۔
* ارہر کی چھلکوں والی دال
ارہر کی چھلکوں والی دال میں سرسوں کا تیل ایک سے دو چمچ ڈالیں اور اچھی طرح ملا کر ڈبہ بند کرلیں ، اس سے یہ بھی کیڑوں سے بچ جائے گی۔
* لوبیا کی دال
لوبیے کی دال میں ثابت کڑی پتے ڈال کر چھوڑ دیں یہ بلکل صحیح رہے گی۔
* کالے چنے اور سفید چنے
سفید چنوں کے ڈبے میں سوکھی لال مرچ چار سے پانچ رکھنے سے یہ کیڑوں سے پاک رہتے ہیں، اور کالے چنوں میں آپ سوکھے نیم کے پتے رکھنا مفید ہوتا ہے۔
* چاول
چاولوں کو بچانے کے لئے ان میں ہلدی اور سرسوں کا تیل ملا کر رکھ دیں اس سے ان میں کیڑے نہیں ہوں گے۔اور آپ ہلدی نہیں ڈالنا چاہتی تو صرف نمک ہی مل کر اچھی طرح رکھ دیں یہ بھی مفید رہے گا۔