اکثر گھروں میں جہاں چھوٹے بچے ہوتے ہیں وہاں خواتین ان کے لیئے چھوٹی موٹی چیزیں بنا کر فریز کردیتی ہیں جیسے کہ فرینچ فرائز، نگٹس وغیرہ اور اب تو رمضان میں بھی یہی ہوتا ہے خواتین پہلے ہی فرائیڈ آئٹم کو فریز کردیتی ہیں تا کہ افطار کے وقت جلدی جلدی کام نمٹ جائے۔

مگر بعض خواتین کی یہ شکایت ہوتی ہے کہ فریز کرنے والے فرینچ فرائز کا رنگ اور ذائقہ کچھ دنوں میں بدل جاتا ہے، اسلیئے آج ہم آپ کو بتائیں گے آلو کے چپس کو صحیح سے محفوظ کرنے کا طریقہ۔

آلو کے چپس کو محفوظ کرنے کا طریقہ:

۔ سب سے پہلے آلو کو دھو کر اس کے چھلکے اتار کے اسے لمبائی میں کاٹ لیں، اور 15 منٹ کیلیئے پانی میں بھگو کر رکھ دیں

۔ اسکے بعد ایک برتن میں پانی رکھیں اور اس میں 1 چمچ تیل اور 1 چمچ نمک ڈال کر ابال لیں۔ جب پانی بوائل ہونے لگے تو اس میں آلو ڈال کر 5 منٹ تک پکائیں، اسکے بعد آلو کو نکال کر چھان لیں، اور اسے کاغذ یا اخبار پر رکھ کے سکھا دیں

۔ اب ایک پیالے میں فرائیڈ چکن پاؤڈر کا ایک پیکٹ، 4 کپ کارن فلور اور آدھا کپ چکن پاؤڈر ڈال کر اچھے سے مکس کریں، پھر اس مکسچر کو آلوؤں پر اچھی طرح چھڑکیں

۔ جب سب پر اچھے سے مکسچر پاؤڈر لگ جائے تو اسے پلاسٹک بیگ میں ڈال کر بند کریں اور فریز کرلیں، ایسا کرنے سے فرینچ فرائز کا ذائقہ اور رنگ دونوں خراب نہیں ہونگے اور وہ لمبے عرصے تک چلیں گے۔