گھر کی صاف صفائی کرنا گھر کو پاک رکھنا اور جراثیم کا خاتمہ کرنا یہ ہم سب کا روزمرہ کا کام ہے اور خصوصاً فگر خواتین جو ہی رہتی ہے کیونکہ ان کے گھریلو کاموں میں باتھ روم کی صفائی بھی ایک اہم مرحلہ ہوتا ہے۔
باتھ روم اگر گندہ ہو تو آپ جتنی کوششیں کرکے گھر کی صفائی کرلیں کبھی بھی آپ کا گھر صاف نہیں رہ سکے گا جس کی اہم وجہ یہ ہے کہ وہی گندے پاؤں اور چپل بچے ادھر سے ادھر کرتے ہیں۔
آج ہماری ویب میں ہم آپ کو باتھ روم کی صفائی کا ایسا طریقہ بتائیں گے جو بہت کار آمد ہے اور فرش کو بھی چمکدار رکھتا ہے۔
طریقہ:
ایک بالٹی میں گرم پانی ڈالیں یا پھر ایک جگہ کے برابر پانی کو اچھی طرح ابال لیں کہ وہ گرم ہو جائے پھر اس میں سرف، سرکہ، سوڈا، پوٹاش ایلم یا پھٹکری کا پاؤڈر، کلورین کے کیپسول (یہ آپ کو کیمیکل کی دکان پر بآسانی مل جائیں گے) مکس کریں اور اس سے باتھ روم کو اچھی طرح رگڑ کر دھولیں۔
اس طریقے سے روزانہ اپنے باتھ روم کی صفائی کریں اس سے نہ ہی ٹائلوں کے درمیان کچرا جمع ہوگا اور نہ ہی نشانات پڑیں گے۔ ٹوائلٹ سیٹ کے اطراف میں چونکہ پانی کی وجہ سے نشانات پڑ جاتے ہیں تو یہ بھی اسی پانی سے صاف کرلیں، پانی میں نمکیات کی وجہ سے فرش پر داغ پڑ جاتے ہیں ان کو ختم کرنے کے لئے ہوٹلوں میں بھی کلورین کے کیپسول استعمال کیے جاتے ہیں لہذا وہ آپ کے گندے باتھ روم کی صفائی بھی منٹوں میں کریں گے اور خوب چمکدار بنا دیں گے۔