آج کل کپڑوں کی کوالٹی میں بھی خاصا فرق آگیا ہے قیمتیں بڑھ گئیں مگر کپڑے وہی ہلکے ہی ہیں۔
ایسے میں دو سے چار مرتبہ آپ کپڑے دھو لیں تو اگلی مرتبہ پہننے قابل نہیں رہتے کچھ تو کوالٹی خراب اور کچھ واشنگ پاؤڈر میں استعمال ہونے والے کیمیکلز اور بلیچ وغیرہ کی وجہ سے کپڑے کی میعاد کے ساتھ رنگ بھی خراب ہوجاتے ہیں۔
ذرا سا بلیچ کپڑوں کو یوں سمجھیں پرانا بنا دیتا ہے اور کوئی ضدی داغ دھبہ لگ جائے اور وہاں بلیچ لگا کر دھوئیں تو دھبہ ہٹنے کی کوئی گارنٹی نہیں یاں البتہ کپڑا گلنے کی گارنٹی پکی ہے۔
لیکن چونکہ ہم سب ہی چاہتے ہیں کہ کپڑوں کو کفایت شعاری سے استعمال کیا جا سکے ان کی دیکھ بھال کی جاسکے کپڑوں کو گلنے سے بچایا جائے مگر داغ دھبوں سے پاک بھی رکھا جائے تو اس کا ایک حل یہ ہے کہ آپ درج ذیل بتائی گئی اس آسان ٹپ کو آزمائیں جس کے لئے آپ کو کہیں دور کیمیکل والے کی دکان جانا بھی نہیں پڑے گا اور نہ اضافی خرچہ ہوگا۔
ٹپ:
• لیموں ہم سب کے گھروں میں پایا جانے والا عام سا سٹرک ایسڈ ہے جس کے بے شمار فوائد ہمیں معلوم ہی نہیں ہیں۔ بہر حال ایک کپ لیموں کا رس نکال کر اس کو کسی برنی میں جمع کرلیں۔
• اب کپڑوں میں جہاں جہاں داغ دھبے لگ گئے ہیں وہاں پر آپ لیموں کا رس چھڑک کر تھوڑی دیر چھوڑ دیں اور اچھی طرح رگڑ کر صاف کرلیں۔
• کپڑے اگر واشنگ مشین میں ڈالنے لگیں تو بلیچ کی جگہ لیموں کا رس ڈال دیں آپ کے کپڑوں کی نہ تو چمک خراب ہوگی اور نہ ہی کوئی نقصان ہوگا۔
ہے نا آسان نسخہ تو چلیں اب بارش کے موسم میں خراب ہونے والے کپڑوں کو بنا جھجھک دھوئیں اور صاف کرلیں۔