اکثر رات کے وقت بنائی گئی روٹیاں بچ جاتی ہیں کیونکہ عام طور پر گھروں میں رات کے وقت کم ہی کھانا کھایا جاتا ہے۔ مگر اس سے خواتین بڑی پریشان ہوتی ہیں کیونکہ روٹیاں بچ جاتی ہیں اور کچھ وقت بعد وہ انھیں پھینک کر ضائع کردیتی ہیں۔
اب اگر آپ کے گھر میں بھی رات کی روٹیاں بچ جائیں تو انھیں ضائع نہ کریں بلکہ اگلے دن بچی ہوئی روٹیوں کا مزیدار سا سالن بنائیں اور کھانے کے لئے پیش کردیں۔ یہ اتنا مزیدار سالن تیار ہوگا کہ کھانے والوں کو بھی مزہ آجائے گا۔
ترکیب:
• تمام روٹیوں کو اچھی طرح توڑ کر ٹکڑے کرلیں اور ایک پیالے میں الگ کرلیں۔
• اب ایک پین میں آئل ڈالیں اور اس کو نیم آنچ پر گرم کرلیں۔
• ایک پیاز، ایک ٹماٹر اور آدھا انچ کا ادرک کا ٹکڑا کاٹ کر پین میں ڈالیں جب تک کہ پیاز براؤن نہ ہوجائے۔
• اب اس میں ایک کپ دہی اور آدھا چمچ ادرک لہسن کا پیسٹ شامل کریں اور خوب سالن بھون لیں۔
• پھر اس میں روٹیوں کے ٹکڑے شامل کریں اور ایک کپ پانی ڈال کر تھوڑی دیر ڈھکن ڈھک کر ہلکی آنچ پر پکائیں۔
• لیجیئے تیار ہے آپ کا مزیدار روٹی کا سالن اب اس پر ایک ہری مرچ کاٹ کر ڈالیں اور تھوڑا سا ہرادھنیا ڈال کر کھانے کے لئے پیش کردیں۔