اکثر ہم جوتے یا پرس وغیرہ خریدتے ہیں تو اس میں سے ایک چھوٹا سا سفید رنگ کا پاؤچ نکلتا ہے جس کو اگر کھول کے دیکھا جائے تو اس میں کرسٹل جیسے چھوٹے انڈے ہوتے ہیں۔ اور عموماً ہم ان پاؤچز کو پھینک دیتے ہیں بنا اسکا استعمال جانے۔
اسی لیئے آج ہم آپ کو بتائیں گے کہ آپ ان سلیکون پاؤچز یا پیکٹس کو کیسے اور کن چیزوں کیلیئے استعمال کرسکتے ہیں، جو یقیناً آپ میں سے کافی خواتین کو اس سے پہلے پتہ نہیں ہوگا۔
سلیکون جیل پیکٹس کا مختلف استعمال:
۔ اگر آپ کے گھر میں پالتو جانور ہیں تو یہ پاؤچ آپ ان کے بسکیٹ والے جار کے ڈھکن پر ٹیپ کی مدد سے چپکا دیں تا کہ وہ کہیں سے کھل کر گر نہ جائے، اس سے جانوروں کا کھانا لمبے عرصے تک محفوظ رہے گا۔
۔ ایسے ہی اگر آپ بیج وغیرہ کھانے کے شوقین ہیں تو اسکے ڈبے میں بھی اسی طرح اس پاؤچ کو چپکا سکتے ہیں، یاد رہے کھانے کی چیز کے اندر نہیں رکھنا ہے۔
۔ اسکے علاوہ سلیکون پیکٹ کو آپ ٹول باکس میں رکھیں، اس سے ان پر زنگ نہیں لگے گا۔
۔ جو خواتین یا مرد حضرات ٹریمر یا ریزر وغیرہ استعمال کرتے ہیں وہ ان پاؤچز کو اس کے بیگ میں رکھ سکتے ہیں، جسکی وجہ سے ان کے بلیڈز پر نمی نہیں ہوگی اور نہ ہی وہ جلدی خراب ہونگے۔
۔ موبائل پر پانی گرنے کی صورت میں ان پاؤچز کو کھول کر اس میں موبائل رکھنے سے وہ اسکی نمی کھینچ لیتا ہے۔
۔ کہیں گھومنے جائیں تو بیگ میں ایک پاؤچ سلیکون جیل کا رکھنے سے بیگ میں بدبو نہیں آتی جوتوں یا کپڑوں کی۔
اس کے اور استعمال جاننے کیلیئے نیچے دی گئی ویڈیو دیکھیں