نگر برگر سن کر بچے جیسے بے تاب ہوجاتے ہیں کہ کسی طرح کھانے کے لئے مل جائے۔ تو لاک ڈاؤن میں آپ بنائیں معیاری ریسٹورنٹس جیسا زنگر گھر میں بالکل آسان طریقے سے۔
طریقہ:
٭ چکن کی ران کا گوشت لیں، اس میں ایک چٹکی پسی لال مرچ، کٹی لال مرچ، نمک، پسی کالی مرچ، آدھا چمچ ادرک لہسن کا پیسٹ، تھوڑا سا تکہ اور بروسٹ مصالحہ اور سرکہ ڈال کر اچھی طرح مکس کرلیں۔ ڈھائی گھنٹے چھوڑ دیں تاکہ مصالحہ اندر تک پہنچ جائے۔
٭ اب ایک بڑے پیالے کو میدہ ڈال کر اچھی طرح بھر لیں پھر اس چکن کے پیس پر میدہ اچھی طرح لگائیں، پھر ایک پیالے ٹھنڈے پانی میں اس ٹکڑے کو ڈبوئیں، دوبارہ اسی ٹکڑے کو میدہ میں اچھی طرح ڈالیں اور چار منٹ تک اس کو الٹ پلٹ کرتی رہیں۔
٭ اس چکن کے میدہ لگے پیس کو کڑاہی کے گرم آئل میں ڈالیں اور فرائی کرلیں۔ آئل چھنی کی مدد سے جذب کرلیں۔
٭ برگر کا بند بازار سے منگوائیں اس کے دو ٹکڑے کریں، اب ایک ٹکڑے کے اندر مایونیز، کیچپ، پگھلی ہوئی چیز لگائیں، کھیرے کا ٹکڑا رکھیں اب اس تلے ہوئے چکن کے پیس کو رکھیں اوپر دوبارہ مایونیز لگائیں، ٹماٹر اور بند گوبھی کا پیس رکھ کر برگر بنالیں۔
٭ لیجئیے کے ایف سی جیسا زنگر تیار ہے۔
ضروری ٹپس:
٭ چکن میں میدہ کو مسل مسل کر اچھی طرح سے لگائیں، تاکہ اس سے کرسپی چکن بن سکے۔
٭ ایک دفعہ چکن میں جب میدہ لگائیں تو اسے ٹھنڈے پانی میں ڈبوئیں تاکہ دوسری دفعہ میدہ چکن پر جم سکے۔