گاڑی رکھنے کا شوق تو اکثر افراد میں پایا جاتا ہے لیکن
حقیقت میں اسے خریدنا ہر کسی کے بس کی بات نہیں ہوتی- لیکن اگر بات کی جائے
مہنگی ترین گاڑیوں کی تو یہ بھی ایک امیرانہ شوق ہے- کیا آپ سوچ سکتے ہیں
کہ چند سال قبل دنیا میں 50 سال پرانی گاڑیاں بھی ایک کروڑ ڈالر یا اس سے
بھی زائد رقم میں خریدی گئیں ہوں گی؟ جی ہاں یہ اپنے وقت کی مقبول ترین
گاڑیاں تھی اور انہیں مختلف نیلامیوں کی صورت میں فروخت کیا گیا جہاں ان کی
بولی ایک کروڑ امریکی ڈالر یا کچھ اس سے بھی زائد لگی- آئیے آج ہم آپ کو
نیلامی میں فروخت ہونے والی مہنگی ترین گاڑیوں کے بارے میں بتاتے ہیں-
|
Mercedes-Benz 540K
Special Roadster
یہ مرسڈیز بینز کا سال 1937 میں متعارف کروایا جانے والا ماڈل ہے جسے اگست
2011 میں ایک نیلامی کے دوران 9,680,000 امریکی ڈالر میں فروخت کیا گیا- RM
Auction نامی گاڑیوں کی اس نیلامی کا انعقاد کلف کے علاقے مونٹریری میں کیا
گیا- |
|
Ferrari 250 GT SWB
فراری کا یہ ماڈل 1962 میں متعارف کروایا گیا تھا- یہ گاڑی سال 2014 اگست
میں منعقد ہونے والے ایک نیلامی میں 9,725,000 امریکی ڈالر کے عوض فروخت کی
گئی- اس نیلامی کا انعقاد بھی کلف کے علاقے مونٹریری میں ہوا اور اسے Rick
Cole Auction کا نام دیا گیا-
|
|
Porsche 956
پورشے دنیا کی مقبول ترین گاڑیوں میں سے ایک ہے- پورشے کا یہ 1982 میں
متعارف کروایا گیا تھا- یہ گاڑی سال 2015 کے اگست میں مونٹریری میں ہونے
والے Gooding & Co Auction کے دوران نیلام کی گئی- اس نیلامی میں یہ گاڑی
10,120,000 امریکی ڈالر میں فروخت کی گئی-
|
|
Ferrari 275 GTB/4
یہ خوبصورت گاڑی تھی مشہور زمانہ فراری کا ہی ایک ماڈل ہے جو کہ 1967 میں
متعارف کروایا گیا تھا- اس گاڑی کو سال 2014 کے اگست میں منعقد ہونے والی
نیلامی RM Auction کے دوران 10,175,000 امریکی ڈالر میں فروخت کیا گیا-
|
|
Duesenberg Model J Murphy Coupe
1931 میں متعارف کروائی جانے والی یہ خوبصورت گاڑی کلف کے Pebble Beach پر
منعقد ہونے والی نیلامی جسے Gooding & Co. Auction کے نام سے جانا جاتا ہے
کے دوران نیلام کی گئی- اس نیلامی کا انعقاد سال 2011 کے اگست میں کیا گیا
جبکہ یہ گاڑی 10,340,000 امریکی ڈالر میں نیلام ہوئی-
|
|
Ferrari 250 GT SWB California Spider
یہ دلکش گاڑی بھی فراری کا ایک ہی ماڈل ہے جو کہ 1961 میں متعارف کروایا
گیا تھا- یہ گاڑی سال 2008 میں اگست میں اٹلی کے علاقے Maranello میں منعقد
ہونے والی ایک نیلامی کے دوران 10,894,000 امریکی ڈالر میں فروخت کی گئی-
گاڑیوں کی اس نیلامی کا انعقاد RM Auction کے نام سے کیا گیا تھا-
|
|
Ford GT40 Gulf/Mirage
گاڑیاں تیار کرنے والی مقبول ترین کمپنی فورڈ کا یہ 1968 میں متعارف کروایا
جانے والا ایک ماڈل ہے- یہ گاڑی RM Auction کے دوران 11,000,000 امریکی
ڈالر میں فروخت کی گئی- اس نیلامی کا انعقاد کلف کے علاقے مونٹریری میں
اگست 2012 میں ہوا- |
|
Ferrari 250 GT LWB California Spider
Competizione
منفرد ڈیزائن کی حامل یہ گاڑی بھی فراری کا 1960 میں متعارف کروایا جانے
والا ماڈل ہے- اس گاڑی کو سال 2012 کے اگست میں کلف کے Pebble Beach پر
منعقد ہونے والی نیلامی Gooding & Co. Auction کے دوران 11,275,000 امریکی
ڈالر میں فروخت کیا گیا- |
|