کیا انوشکا شرما پولیس افسر بننے جارہی ہیں؟

اسلام آباد(نیو زڈیسک)بولی وڈ میں اس وقت پولیس اہلکاروں پر کئی فلمیں بنائی جارہی ہیں اور اب ایسا محسوس ہورہا ہے کہ انوشکا شرما نے بھی پولیس افسر بننے کا فیصلہ کرلیا ہے۔ویسے تو اب تک بولی وڈ میں سب سے بہترین بولیس اہلکار کا کردار رانی مکھرجی نے اپنی فلم 'مردانی' میں نبھایا، تاہم کرینہ کپور بھی جلد فلم 'انگلیش میڈیم' میں پولیس اہلکار کا کردار نبھاکر اس فہرست کا حصہ بن جائیں گی۔اور اب رپورٹس ہیں کہ انوشکا شرما بھی اپنی اگلی فلم میں یہی کردار ادا کرنے جارہی ہیںبھارتی میڈیا رپورٹس کے مطابق انوشکا شرما نے طویل عرصے سے کوئی فلم سائن نہیں کی اور اب وہ ایک ایسی فلم سائن کرنے کا ارادہ کررہی ہیں جس میں وہ پولیس اہلکار کا کردار نبھاتی نظر آئیں گی۔یاد رہے کہ بولی وڈ میں دبنگ، سنگھم، سمبا اور سوریاونشی جیسی فلمیں بن رہی ہیں، جس میں پولیس اہلکاروں کا کردار کامیاب اداکار سلمان خان، رنویر سنگھ اور اکشے کمار نے نبھایا۔سوریاونشی اب تک ریلیز نہیں ہوئی، البتہ سنگھم، دبنگ اور سمبا جیسی فلمیں باکس آفس پر کامیاب ہوئیںایسے میں اداکارائیں بھی ان اداکاروں سے پیچھے نہیںیاد رہے کہ انوشکا شرما کی آخری فلم 'زیرو' گزشتہ سال دسمبر میں ریلیز ہوئی تھیفلم میں ان کے ہمراہ کترینہ کیف اور شاہ رخ خان نے مرکزی کردار نبھایا تھا، البتہ فلم بری طرح باکس آفس پر ناکام ثابت ہوئی۔

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.