معروف شاعر حمایت علی شاعر آج صبح کینیڈا میں وفات پاگئے

معروف شاعر حمایت علی شاعر آج صبح کینیڈا میں وفات پاگئےٹورنٹو: (16 جولائی 2019) معروف شاعر حمایت علی شاعر آج صبح کینیڈا میں وفات پاگئے۔

حمایت علی شاعر 14 جولائی 1926 کو اورنگ آباد دکن میں پیدا ہوئے، ان کی شاعری اور فلمی گیت بے انتہا مقبول ہوئے۔ حمایت علی شاعر کی پہلا شعری مجموعہ ’آگ میں پھول‘ 1956 میں شائع ہوا جس پر انہیں 1958 میں صدارتی ایوارڈ سے نوازا گیا۔

حمایت علی شاعر نے مختلف فلموں میں بھی کام کیا جن میں جب سے دیکھا تمہیں، دل نے تجھے مان لیا، دامن، ایک تیرا سہارا، کنیز، میرے محبوب، تصویر اور کھلونا شامل ہیں۔ حمایت علی شاعر کو ادبی خدمات اور اردو ادب پر 2002 میں حکومت پاکستان کی طرف سے پرائڈ آف پرفارمنس ایوارڈ سے نوازا گیا۔

اس کے علاوہ بہترین فلمی گیت لکھنے پر حمایت علی شاعر کو نگار ایوارڈ اور رائٹرز گلڈ آدم جی ایوارڈ سمیت متعدد ایوارڈ سے نوازا گیا۔ حمایت علی شاعر علیل تھے اور کینیڈا میں زیر علاج تھے، انہیں منگل کی صبح دل کا دورہ پڑا جو جان لیوا ثابت ہوا، حمایت علی شاعر کی تدفین کینیڈا میں ہی ہو گی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.