شرجیل خان کی سزا 10 اگست کو ختم ہو گی

لاہور(ویب ڈیسک)پی ایس ایل اسپاٹ فکسنگ کیس میں سزا یافتہ شرجیل خان پر ڈھائی سال معطل سمیت 5 سال کی پابندی عائد کی گئی تھی۔ابتدائی ڈھائی سال میں مزید کسی خلاف وزری کا مرتکب نہ ہونے پر معطل سزا خود بخود ختم ہوجاتی ہے، اوپنر پر پابندی کے ڈھائی سال 10 اگست کو مکمل ہوجائیں گے، قواعد کے مطابق پی سی بی کے تحت بحالی پروگرام مکمل کرنے پرہی شرجیل خان پر کرکٹ کے دروازے کھولے جائیں گے۔ ذرائع کے مطابق شرجیل خان جلد ہی اس ضمن میں پی سی بی سے رابطہ کرنے والے ہیں۔یاد رہے کہ پی ایس ایل ٹو کے آغاز میں سامنے آنے والے اسپاٹ فکسنک اسکینڈل میں شرجیل خان، خالد لطیف، شاہ زیب حسن اور محمد عرفان ملوث پائے گئے، ناصر جمشید سہولت کاری کے ملزم اور پھر مجرم ٹھہرے، ٹریبیونل میں کیس کی سماعت کے بعد سب کو مختلف سزائیں سنائی گئیں، شرجیل خان کی سزا 10اگست کو ختم ہورہی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.