انرولمنٹ فارم جمع کروانے کی تاریخوں کا اعلان

اعلیٰ ثانوی تعلیمی بورڈ کراچی نے انٹرمیڈیٹ حصہ اول سائنس، کامرس ، آرٹس، ہوم اکنامکس گروپس اور ڈپلومہ ان فزیکل ایجوکیشن و میڈیکل ٹیکنالوجی کے سالانہ امتحانات برائے 2020ء میں شرکت کے خواہشمند اور اہل امیدواروں کیلئے انرولمنٹ فارم جمع کروانے کی تاریخوں کا اعلان کردیا ہے۔گورنمنٹ کالجز اور ہائیر سیکنڈری اسکولز کے طلباء اپنے انرولمنٹ فارم بروز پیر 16ستمبر سے 31اکتوبر تک جبکہ پرائیویٹ کالجوں کے طلباء 16ستمبر سے 15اکتوبر تک اپنے تعلیمی اداروں میں جمع کرواسکتے ہیں۔

بورڈ کے جاری کردہ لیٹر نمبر BIE/ENROLMENT/138/2019 کے مطابق گورنمنٹ کالجوں اور گورنمنٹ ہائر سیکنڈری اسکولوں کے طلباء اپنے انرولمنٹ فارم بروز پیر 16ستمبر سے بروز جمعرات 31اکتوبر تک اپنے تعلیمی اداروں میں جمع کرواسکتے ہیں جبکہ کالجوں کو ہدایت کی گئی ہے کہ وہ یہ فارم 4نومبر اور 5نومبر 2019ء تک انرولمنٹ سیکشن (کمرہ نمبر 53) سے ضروری تصدیق کے بعد بورڈ آفس کے کمرہ نمبر 4 میں جمع کروادیں۔یاد رہے کہ رواں سال بھی محترم وزیراعلیٰ سندھ کی ہدایت کے مطابق تمام گورنمنٹ کالجز اور ہائرسیکنڈری اسکولوں کے طلباء کی انرولمنٹ فیس معاف کردی گئی ہے، لہٰذا گورنمنٹ تعلیمی اداروں کے طلباء بغیر کسی فیس کے انرولمنٹ فارمز اپنے کالجوں اور ہائیر سیکنڈری اسکولوں میں جمع کرواسکتے ہیں۔گورنمنٹ کالجز اور ہائر سیکنڈری اسکولز انرولمنٹ فارمز بورڈ آفس سے 10روپے فی فارم کے حساب سے حاصل کرسکتے ہیں جبکہ یہی فارم بورڈ کی ویب سائٹ www.biek.edu.pk سے بھی ڈاؤن لوڈ کیے جاسکتے ہیں۔ بورڈ کی طرف سے تمام گورنمنٹ تعلیمی اداروں کو ہدایت جاری کی گئی ہے کہ وہ انرولمنٹ فارمز کے ساتھ ایسے تمام طلباء کی فہرست منسلک کریں جنہیں موجودہ تعلیمی سیشن میں 27اگست تک گیارہویں جماعت میں داخلے دیئے گئے ہیں۔ہدایات میں مزید کہا گیا ہے کہ 2020ء کے سیشن میں گورنمنٹ کالجوں اور ہائیر سیکنڈری اسکولوں کی جانب سے آنے والے وہ انرولمنٹ فارمز قبول نہیں کیے جائیں گے جس میں تعلیمی اداروں نے SECCAP رولز کی خلاف ورزی کرتے ہوئے ایسے طلباء کو داخلہ دیا ہو جن کے میٹرک میں حاصل کردہ نمبرز SECCAP کی جانب سے ان تعلیمی اداروں میں داخلہ کیلئے طے شدہ نمبرز سے کم ہیں، اگر ایسے طلباء کے انرولمنٹ فارمز بھیجے گئے تو اس کی تمام تر ذمہ داری ان گورنمنٹ کالجز اور ہائیر سیکنڈری اسکولوں کی ہوگی۔اس کے علاوہ ایسے تمام طلباء کی فہرست بھی بورڈ آفس کو بھیجنا ہوگی جنہیں رولز کے تحت عبوری داخلے (Provisionally Admission) دیے گئے ہیں ساتھ ہی واضح کرنا ہوگا کہ ان طلباء کوعبوری داخلے کیوں دیئے گئے۔ بور ڈ کی طرف سے طلباء کو ہدایت کی گئی ہے کہ انرولمنٹ فارم پُر کر کے اس کی ایک فوٹوکاپی اور تمام ضروری دستاویزات میٹرک کی مارکس شیٹ، ایڈمیشن سلپ، فیس ادائیگی کی سلپ کی دوفوٹو کاپیاں فارم کے ساتھ ضرور منسلک کریں۔ اسی طرح بورڈ کے جاری کردہ لیٹر نمبر BIE/ENROLMENT/137/2019 کے مطابق پرائیویٹ کالجوں اور ہائر سیکنڈری اسکولوں کے طلباء اپنے انرولمنٹ فارم مبلغ 1000 روپے فیس کے ساتھ بروز پیر 16ستمبر سے 15اکتوبر 2019ء تک اپنے تعلیمی اداروں میں جمع کرواسکتے ہیں جبکہ تعلیمی ادارے انرولمنٹ فارم متعلقہ سیکشن (کمرہ نمبر 53) سے تصدیق کے بعد بمع فیسوں کے پے آرڈر 17اور 18اکتوبر 2019ء تک بورڈ آفس میں جمع کرانے کے پابند ہوں گے۔ جو طلباء ناگزیر وجوہات کی بناء پر درج بالا تاریخوں میں انرولمنٹ فارم جمع کروانے میں ناکام رہیں وہ 19اکتوبر سے 28اکتوبر 2019ء تک 500روپے لیٹ فیس کے ساتھ، یکم نومبر سے 9 نومبر تک 1000روپے لیٹ فیس کے ساتھ، 14نومبر سے 23نومبر تک 1500روپے لیٹ فیس کے ساتھ، 28نومبرسے 7دسمبر تک 2000روپے لیٹ فیس کے ساتھ، 12دسمبر سے 19دسمبر تک 2500روپے لیٹ فیس کے ساتھ اور 26دسمبر 2019ء سے 4جنوری 2020ء تک 3000روپے لیٹ فیس کے ساتھ اپنے فارم جمع کرواسکتے ہیں۔ پرائیویٹ تعلیمی ادارے انرولمنٹ فارمز بورڈ آفس کے اسٹور روم سے 70روپے فی فارم کے عوض حاصل کرسکتے ہیں ۔  


Click here for Online Academic Results

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.