’عالمی برادری پائیدار امن کے خواب کو حقیقت بنانےکا آغاز مسئلہ کشمیر کے حل سے کرے‘

اسلام آبد: پاکستان پیپلزپارٹی کے چیئرمین بلاول بھٹو زرداری نے  امن کے عالمی دن پر اپنے پیغام میں کہاہے کہ دنیا انسانیت کے لئے قدرت کی گود ہے، ہم اسے میدان جنگ و جدل بنانے کے متحمل نہیں ہوسکتے۔ 

بلاول بھٹو زرداری نے کہا کہ پاکستانی قوم دنیا میں امن و آشتی کی علمبردار ہے،کل آنے والی نسلوں کو پائیدار امن دینے کی خاطر آج ہمیں اسکولوں پر زیادہ سے زیادہ سرمایہ لگانا ہوگا۔

انہوں نے کہا کہ دنیا کو سب کے لیئے ایک جیسا مسکن بنانے کی خاطر ہم میں سے ہر ایک کو اپنا کردار نبھانا ہوگا، ہمیں اپنے گھروں میں بچوں کو صبر اور دوسروں کا احترام کرنا سکھانا ہوگا۔

پیپلزپارٹی کے چیئرمین نے کہا کہ اپنے محلے، گلی کوچوں میں رواداری اور بین المذاہب و بین السانی ہم آہنگی کو فروغ دینا ہوگا،ملکی سطح پر جمہوریت کو تقویت اور سیاسی استحکام کو یقینی بنانا ہوگا۔

انہوں نے کہا کہ عالمی سطح پر تنازعات کے حل کے لیئے سفارتکاری اور ڈائیلاگ پر انحصار کو بڑھانا اور بقائے باہمی کو فروغ دینا ہوگا،مقبوضہ کشمیر میں جاری بھارتی مظالم بھی عالمی امن کے خواب کو شرمندہ تعبیر ہونے کے آگے رکاوٹ ہیں۔

بلاول بھٹو زرداری نے کہا کہ عالمی برادی اب مسئلہ کشمیر کو پیٹھ دے کر کھڑا ہونے کی متحمل نہیں ہوسکتی،عالمی برادری دنیا میں پائیدار امن کے خواب کو حقیقت بنانےکا آغاز مسئلہ کشمیر کے حل سے کرے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.