ترک صدر رجب طیب ایردوان کا دورۂ پاکستان منسوخ

اسلام آباد: ترکی کے صدر رجب طیب ایردوان  نے دورہ پاکستان منسوخ کردیاہے۔

ذرائع کا کہناہے کہ  دورے کی منسوخی سے متعلق ترکی نے حکومت پاکستان کو آگاہ کردیا ہے۔ ترکی کے صدر نے 23، 24 اکتوبر کو پاکستان کا دورہ کرنا تھا۔

ذرائع کے مطابق ترکی کے صدر رجب طیب ایردوان نے دورے کی منسوخی شام کی صورتحال کے باعث کی،دورے کی نئی تاریخوں کا اعلان بہت جلد کیا جائے گا۔

اس سے قبل سفارتی ذرائع کی خبر تھی  کہ صدر رجب طیب ایردوان 23 اکتوبر کو پاکستان پہنچیں گے۔ ترک صدر کا دورہ پاکستان دو روزہ ہوگا۔

ترک صدر اپنے دورے کے دوران  پاکستان کی اعلی سیاسی و عسکری قیادت سے ملاقاتیں کرینگے۔

سفارتی ذرائع کا کہنا ہے کہ ترک صدر نے دورے کی تصدیق وزیر اعظم عمران خان سے ملاقات کے دوران کی تھی۔ دونوں رہنماؤں میں ملاقات اقوام متحدہ جنرل اسمبلی اجلاس کے دوران ہوئی۔

میڈیا رپورٹس کے مطابق ترک صدر پاکستان میں سرمایہ کاری سمیت کئی منصوبوں کی یادداشت مفاہمت پر دستخط کریں گے۔

رجب طیب اردوان پاک ترک اعلیٰ سطح کی تزویراتی تعاون کونسل کے اجلاس میں بھی شرکت کریں گے۔ اجلاس کی صدارت ترک صدر اور عمران خان کی جانب سے مشترکہ طور پر کیے جانے کا امکان ہے۔

یہ بھی پڑھیے:


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.