امن فاؤنڈیشن نے کراچی میں ایمبولینس سروس بند کر دی

امن فاؤنڈیشن نے شہر قائد میں اپنی ایمبولینس سروس بند کر دی۔

ذرائع کے مطابق محکمہ صحت کی جانب سے ادائیگی نہ کیے جانے کے باعث امن فاؤنڈیشن نے کراچی بھر میں اپنی ایمبولینس سروس بند کر دی ہے۔

ذرائع کا کہنا ہے کہ امن فاؤنڈیشن اور محکمہ صحت کے درمیان رواں سال مئی میں 45 کروڑ روپے سالانہ میں معاہدہ طے پایا تھا۔ معاہدے کے تحت امن فاؤنڈیشن کی 60 ایمبولینس سندھ ریسکیو اینڈ میڈیکل سروسز میں چلنا تھیں۔

ذرائع کا مزید کہنا تھا کہ معاہدے کے تحت امن فاؤنڈیشن کو ایمرجنسی اور فرسٹ ایڈ سہولیات کے ساتھ مفت سروس فراہم کرنا تھی۔

دوسری جانب ذرائع کا یہ بھی کہنا ہے کہ امن فاؤنڈیشن معاہدے کے تحت ایمبولینس کی تعداد 60 کرنے میں ناکام رہی۔

واضح رہے کہ عالمی ادارہ صحت کی ہدایت کے مطابق 2 کروڑ کی آبادی کے لئے کم از کم 200 ایمبولینس تمام فرسٹ ایڈ سہولیات کے ساتھ ہونا چاہئیں۔

 کراچی میں بیشتر اموات ایمبولینس میں فرسٹ ایڈ کی سہولیات نہ ہونے کی وجہ سے ہوتی ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.