ہڈیوں کے امراض کا دن

پاکستان سمیت دنیا بھر میں  آج ہڈیوں کے امراض کا دن منایا جارہا ہے۔

 اس دن کے منانے کا مقصد کیلشیم اور وٹامن ڈی کی کمی کی وجہ سے ہڈیوں کو کمزور کرنے والی بیماری اوسٹیوپروسس کے متعلق آگاہی فراہم کرنا ہے۔ اس دن کی مناسبت سے مختلف این جی اوز اور محکمہ صحت کے زیرِ اہتمام مُلک بھر میں آگاہی واکس، سیمینارز اور تقریبات انعقاد پذیر ہوں گی جس میں ڈاکٹرز اور پروفیسرز اوسٹیوپروسس بیماری سے بچاؤ کے متعلق آگاہی فراہم کریں گے۔

یہ دن پہلی بار 1996ء میں  برطانیہ میں اوسٹیو پروسس سوسائٹی کی جانب سے منایا گیا تھا اور پھر اس کے بعد اس عمل کو یورپین کمیشن کی پذیرائی حاصل ہوئی جبکہ 1997ء سے یہ دن انٹرنیشنل اوسٹیو پروسس فاؤ نڈ یشن منا رہی ہے۔

طبی ماہرین کے مطابق اوسٹیوپروسس یعنیٰ  ہڈیوں کے  بھربھراپن ایک خاموش بیماری ہے جو مردوں کے مقابلے میں اکثر و بیشتر عورتوں میں پائی جاتی ہے۔ماہرین کے مطابق  ہڈیو کے بھربھراپن کی  بیماری سے  زیادہ تر 50 سال سے اوپر عمر کی عورتیں متاثر ہوتی ہیں۔

ماہرین کہتے ہیں کہ اوسٹیو پروسس کے علاج میں شامل چیزوں میں روز مرہ کی زندگی میں تبدلی لانا ہے جیساکہ ورزشیں، بہتر اور مکمل غذا، کیلشیم اور وٹامن ڈ ی کا استعمال اور ان بیماریوں کیلئے مخصوص ا دویات شامل ہیں۔

ماہرین کا ماننا ہے کہ اس بیماری کو خاموش مرض کے طور پہچانا جاتا ہے اور اگراس مرض پر بر وقت علاج  اور متوازن غذا ئوں کا استعمال نہیں کیا گیا تو یہ انسان کو اپاہج بھی بنا سکتی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.