اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ سال دوم آرٹس پرائیویٹ گروپ کے سالانہ امتحانات برائے 2019ء کے اسکروٹنی فارم بروز جمعرات 31اکتوبر سے بروز جمعہ 29نومبر 2019ء تک وصول کیے جائیں گے۔
بورڈ کے جاری کردہ نوٹیفکیشن نمبر BIE/EG/193/2019 کے مطابق اسکروٹنی کروانے کے
خواہشمند طلباء اپنے اسکروٹنی فارم درج بالا تاریخوں میں بورڈ آفس میں واقع
یونائیڈبینک لمیٹڈ کے بوتھ میں جمع کرواسکتے ہیں ۔اس کے علاوہ طلباء کراچی میں
UBLکی کسی بھی برانچ میں فیس جمع کرواکر اسکروٹنی فارم بورڈ آفس میں جمع کرواسکتے
ہیں۔طلباء اسکروٹنی فارم اور فیس واؤچر انٹربورڈ کی ویب سائٹ www.biek.edu.pk سے
ڈاؤن لوڈ کر کے UBLکی کسی بھی برانچ میں اکاؤنٹ نمبر UBL-CMA-252536591 میں فی پرچہ
400 روپے اور ڈاؤن لوڈ فارم کی 50روپے فیس جمع کرواسکتے ہیں جبکہ جمع کرائی گئی فیس
کا واؤچر اور اپنا فارم بورڈ کے متعلقہ سیکشن میں جمع کروائیں گے۔ تاریخ گزرنے کے
بعد کوئی فارم قبول نہیں کیا جائے گا۔علاوہ ازیں آرٹس پرائیویٹ کے طلباء کی مارکس
شیٹس ان کی جانب سے دیئے گئے رہائشی پتوں پر بھیج دی گئی ہیں۔