ملک بھر میں ڈینگی کےوارجاری، مزیدکیسزرپورٹ

موسمیاتی تبدیلی کےساتھ ملک بھر میں ڈینگی کےوارجاری ہیں۔

تفصیلات کے مطابق ملتان کے نشتر اسپتال میں ڈینگی کے تین نئے کیس سامنے آگئے،نشتر اسپتال کے آئسولیشن وارڈ میں 9مریض زیرعلاج ہیں۔

اسپتال انتظامیہ کے مطابق زیرعلاج مریضوں میں سے 6میں ڈینگی کی تصدیق ہوگئی جبکہ دومریضوں کی رپورٹ آناباقی ہے۔

اسپتال میں زیرعلاج مریضوں کا تعلق جنوبی پنجاب کے مختلف اضلاع سے ہے۔

دوسری جانب صوبہ خیبرپختونخوا میں مزید 44 افراد میں ڈینگی کی تصدیق ہوگئی۔

خیبرپختونخوامیں متاثرہ مریضوں کی تعدادبڑھ کر6ہزار751ہوگئی۔ ڈینگی رسپانس یونٹ کےمطابق ضلع پشاورمیں بھی 10افراد کو ڈینگی مچھرنےکاٹ لیا۔

ڈینگی رسپانس یونٹ کےمطابق صرف پشاور میں اب متاثرہ کیسز کی تعداد2ہزار575 ہوگئی ہے۔

ڈینگی رسپانس یونٹ نےمزیدبتایاکہ صوبےبھرکےاسپتالوں میں نئے 22 متاثرہ مریضوں کوداخل کرادیا گیا ہےجبکہ اب بھی اسپتالوں میں 90 مریض زیرعلاج ہیں۔

ڈینگی رسپانس یونٹ کاکہناہے کہ صوبے میں 6ہزار665مریضوں کو علاج کی فراہمی کےبعد فارغ کیاجاچکا ہے۔

ادھر سکھر میں گذشتہ روزمیئر بیرسٹر ارسلان شیخ نے سول اسپتال میں قائم ڈینگی وارڈ کا دورہ کیا۔سکھر میں گزشتہ ایک ماہ کے دوران ڈینگی کے 37 کیس سامنے آئے جنہیں مکمل طبی امداد فراہم کی گئی۔ سول اسپتال میں ڈینگی وارڈ کے فوکل پرسن ڈاکٹر شاہد نے میئر ارسلان شیخ کو ڈینگی مریضوں سے متعلق بریفنگ دی جس کےبعدمیئر نے ڈینگی وارڈ،خواتین وارڈ اورایمرجنسی یونٹ سمیت دیگر شعبوں کا جائزہ لیا۔

مئیر سکھر کو بریفنگ کے دوران ڈینگی فوکل پرسن ڈاکٹرشاہد نے بتایاکہ ڈینگی سےمتاثرہ مریضوں میں صرف ایک مریض کا تعلق سکھر کے نواحی علاقے بچل شاہ میانی سے ہےجبکہ زیادہ تر افراد کراچی میں کام کرتے ہیں یا ہوکر آئے ہیں۔

ڈینگی فوکل پرسن نے بتایاکہ 37 مریضوں میں 33 کو مکمل علاج معالجہ فراہم کرکے ڈسچارج کردیا گیا ہے۔

ڈینگی فوکل پرسن کے مطابق وائرس سے متاثرہ مریضوں کا تعلق شکارپور، میرپور ماتھیلو، خیرپور اور کشمور سمیت دیگر قریبی اضلاع سے ہے،اس وقت ڈینگی وارڈ میں 4 مریض زیر علاج ہیں۔

ڈاکٹر شاہد نے کہا کہ کراچی سے متاثر ہوکر سکھر آنے والے مریضوں سے ڈینگی پھیلنے کا خدشہ ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.