سماجی رابطے کی ویب سائٹ ٹوئٹر نے ایک اہم فیچر متعارف کرادیا

سماجی رابطے کی ویب سائٹ ٹوئٹر نے ایک اہم فیچر متعارف کرادیاہے جس کے ذریعے  اب لوگ ان موضوعات کو بھی فالو کرسکتے ہیں، جن پر بات کرنا انہیں پسند ہوتا ہے۔

سوشل میڈیا سائٹ ٹوئٹر کی جانب سے فالو ٹاپکس کے نام سے ایک نیا فیچر پیش کردیا گیا ہے تاکہ لوگ متعلقہ ہیش ٹیگ سرچ کرنے میں وقت ضائع نہ کریں۔

یہ فیچر جب اکاﺅنٹ پر دستیاب ہوگا تو ٹوئٹر کی جانب سے پوچھا جائے گا کہ آپ اپنی ٹائم لائن پر ‘اس موضوع پر مزید دیکھنا’ چاہتے ہیں۔

واضح رہے کہ اس کا انحصار ان اکاﺅنٹس پر ہوگا جن کو آپ فالو کررہے ہوں گے اور جو کچھ آپ ٹوئٹر پر سرچ کرتے ہوں گے، اس کو دیکھ کر ٹوئٹر کی جانب سے سجیشن دی جائے گی۔

Hot takes? Always. Hot topics? Brand new.

Now you can follow specific topics to discover the Tweets you care about.

— Twitter (@Twitter)

اس میں ہر طرح کے موضوعات یا سبجیکٹس تو دستیاب نہیں ہوں گے مگر ٹوئٹر کی جانب سے آنے والے مہینوں میں اس حوالے سے فیچر کو توسیع دی جائے گی۔

ٹوئٹر کی طرف سے بتایا گیا کہ جن ٹاپکس کو فالو کیا جائے گا، ان سے متعلق ٹوئٹس ٹائم لائن پر شو ہوں گی۔

بیان میں کہا گیا کہ اس موضوع پر ماہرین، مداحوں یا دیگر افراد کی ٹوئٹس ٹائم لائن پر نظر آئیں گی اور اس پر مارک بھی ہوگا تاکہ آپ حادثاتی طور پر ان اکاﺅنٹس کو فالو نہ کرنے لگیں۔

خیال رہے  یہ واضح نہیں کہ آخر ٹوئٹر اس بات کو یقینی کیسے بنائے گا کہ معیاری ٹوئیٹس ہی صارف کے اکاﺅنٹ پر نظر آئیں۔

اس کے علاوہ صارف ٹاپکس کو مینیو یا ٹائم لائن پر جاکر بھی منیج کریں گے اور وہاں ان کو ان فالو یا کسی نئے کو تلاش کرسکیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.