پانی پر تیرتا شہر وینس سیلاب میں ڈوب گیا ‏

وینس ( 92 نیوز) پانی پر تیرتا وینس سیلاب میں ڈوب گیا ، اٹلی کا معروف سیاحتی مرکز اسی فیصد زیر آب آچکا ہے ، مختلف حادثات میں دو افراد ہلاک ہوگئے ، وینس کے میئر نے شہر میں ایمرجنسی نافذ کردی ہے، اطالوی وزیراعظم نے شہر کو 2021 تک اصل حالت میں بحال کرنے کا اعلان کردیا۔

اٹلی کا پانی پر تیرتا ہوا شہر وینس سیلاب میں ڈوب گیا ،  مسلسل بارشوں اور سمندر میں طغیانی نے پچاس سال کا ریکارڈ توڑ ڈالا ہے ، شہر کا اسی فیصد حصہ چھے فٹ دو انچ پانی میں ڈوب چکا ہے۔

وینس کے میئر لوئیگی بروگنارو نے شہر میں ایمرجنسی نافذ کردی ہے ، ان کا کہنا تھا کہ سیلاب کی یہ صورتحال ماحولیاتی تبدیلیوں کی وجہ سے ہوئی ہے۔

تاریخی سینٹ مارکس باسیلکا بھی قدرتی آفت سے بچ نہ سکا ، جو بارہ سو سالوں میں چھٹی بار زیرآب آیا ہے ، شہریوں کو بلند ہوتی لہروں سے خبردار کرنے کیلئے سائرن بھی بجائے جارہے ہیں۔

وینس کو سیلاب سے محٖفوظ رکھنے کیلئے 1984 میں ایک منصوبہ ڈیزائن کیا گیا تھا،، جو تاحال مکمل نہیں ہوسکا ،  اطالوی وزیر اعظم جوسیپے کونتے نے اس منصوبے کو جلد مکمل کرنے کا اعلان کردیا ہے ، ان کا کہنا تھا کہ وہ 2021 تک شہر کو اس کی اصل حالت میں بحال کردیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.