مقبوضہ کشمیر:بجلی کی غیر اعلانیہ بندش،کانگڑیوں کی مانگ میں اضافہ

جموں :مقبوضہ کشمیر میں رواں برس قبل از موسم برفباری سے سردیوں میں اضافہ ہوا ہے، جبکہ بجلی کے بحران نے شہریوں کی مشکلات میں مزید اضافہ کیا ہے۔بجلی کی غیر اعلانیہ بندش کے بعد کشمیر کی روایتی کانگڑیوں کی مانگ میں اضافہ  دیکھنے میں آرہاہے ۔

کانگڑی در اصل مٹی اور بید کی باریک لکڑیوں سےبنا وہ  روایتی و ثقافتی برتن ہے جو صدیوں سے کشمیریوں کو سردی کی شدت سے بچاتا چلا آرہاہے ۔

ساؤتھ ایشین وائر کے مطابق عوام کو شکایت ہے کہ سردی کے ان ایام میں بجلی کی غیر معمولی لوڈشیدنگ کی وجہ سے انہیں کافی مشکلات کا سامنا ہے جبکہ ٹھٹھرتی سردی سے بچاؤ کے لیے لوگ اب کانگڑیوں کا استعمال کرنے لگےہیں۔

بار بار بجلی بند ہونے کی وجہ سے الیکٹرانک آلات بیکار ہیں اور کانگڑیوں کا استعمال بڑھ گیا ہے۔اگرچہ کشمیر میں کانگڑیوں کے استعمال میں قدرے  کمی ہوئی ہے تاہم اس کی اہمیت و افادیت اپنی جگہ برقرار ہے۔

یہ بھی پڑھیے: 

مقبوضہ کشمیر کے مختلف شہروں اور قصبوں میں بازاروں میں کانگڑی فروشوں کے پاس بہت بھیڑ دیکھنے کو مل رہی ہے اور لوگ طرح طرح کی کانگڑیاں خریدنے میں مصروف دیکھے جارہے ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.