ڈیرہ غازی خان میں جیب ریلی کی گاڑیوں کا فلیگ مارچ

وزیر اعلی پنجاب سردار عثمان احمد خان بزدار کی ہدایت پر خزاں فیسٹول کے تحت تھل جیب ریلی سے قبل ڈیرہ غازی خان میں جیب ریلی کی گاڑیوں کا فلیگ مارچ کیا گیا۔

تفصیلات کے مطابق وزیر اعلی پنجاب سردار عثمان احمد خان بزدار کی ہدایت پر ہونے والے اس فلیگ مارچ میں نیشنل چیمپئین میر نادر مگسی سمیت بلوچستان،سندھ،کراچی،لاہور سمیت ملک بھر سے آنے والی 40 سے زائد گاڑیوں نے حصہ لیا۔

سرکٹ ہاوس ڈیرہ غازی خان سے شروع ہونے والے فلیگ مارچ پر شہریوں نے مختلف چوکوں پر خوش آمدید کہا اور پھولوں کی پتیاں نچھاور کیں۔

مختلف چوکوں پر موجود جھومر پارٹیوں نے بھی مخصوص انداز میں جیب ریلی کے فلیگ مارچ کو خوش آمدید کہا۔

اس موقع پر کمشنر ڈیرہ غازی خان ڈویژن مدثر ریاض ملک،ایڈیشنل کمشنر اظفر ضیاء،اے سی صدر محمد اسد چانڈیہ اور دیگر نے فلیگ مارچ میں شرکت کی۔

یاد رہے کہ مظفرگڑھ سلطان کالونی میں چوتھی تھل جیپ ریلی کا آغاز کل 15 نومبرہوگا۔

تھل جیپ ریلی کے لئے 180کلومیٹر لمبا ٹریک تیار کیا گیا ہے جبکہ ریلی سے قبل شرکاء کی عارضی ٹریک پر وارم اپ پریکٹس کرائے جائے گی۔

چوتھی تھل جیپ ریلی کاآغاز چھانگا مانگا ٹیلے سے ہوگا، پہلے روز گاڑیوں کی رجسٹریشن ہوگی جبکہ جیپ ریلی کے دوسرا روز کوالیفائنگ راونڈ ہوگا۔

جیپ ریلی کی اختتامی تقریب 17نومبر کو ہی فیصل اسٹیڈیم میں ہوگی جوجیپ ریلی کافائنل راونڈ ہوگا۔

کرتار پور راہداری کے حوالے سے آفیشل سانگ ریلیز

اختتامی تقریب میں کمشنر ڈیرہ غازی خان،ڈپٹی کمشنرز مظفرگڑھ اورلیہ شرکت کریں گے۔

تھل جیپ ریلی کی مناسبت سے سکیورٹی کے انتہائی سخت انتظامات کئے جائے گے جبکہ اختتامی تقریب میں ریلی کے فاتحین میں انعامات تقسیم کیئے جائیں گے۔

واضح رہے گزشتہ سال تیسری تھل جیپ ریلی میں ایک سو نوے کلومیٹر کا خطرناک ٹریک، پری پیئرڈ اے کیٹگری میں چوالیس ریسرز نے حصہ لیا تھا جس میں نادر مگسی نے مقررہ فاصلہ دو گھنٹے سولہ منٹ اور پچاس سیکنڈ میں طے کر کے ٹائٹل کا کامیاب دفاع کیا جبکہ صاحبزادہ سلطان نو سیکنڈ کے فرق سے دوسرے نمبر پر رہے تھے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.