امریکی ریاست کیلیفورنیا کے اسکول میں فائرنگ،دو طلبہ ہلاک

امریکی ریاست کیلی فورنیا کے شہر سانتاکیلریٹاکے ہائی سکول میں فائرنگ سے دو طالبعلم جاں بحق چارزخمی ہوگئے ہیں۔

امریکی میڈیا کے مطابق مقامی پولیس نے مشتبہ حملہ آور کو گرفتار کرلیاہے جس نے خود کو گولی مارکر زخمی کرلیا ہے۔

پولیس نے مذکورہ ہائی اسکول اور اردگرد کے تعلیمی اداروں کو بند کرادیاہے۔

پولیس نے لوگوں کو جائے وقوعہ سے دور رہنے اور اپنے گھروں کو لاک کرکے اندر رہنے کی ہدایت کی ہے۔

پولیس کے مطابق جب وہ موقع پر پہنچے تو انہوں نے چھ طلبہ کو زخمی حالت میں پایااور انہیں ہنری میواسپتال منتقل کیا گیا جہاں ایک سولہ سالہ طالبہ اور ایک طالب علم جانبر نہ ہوسکآ ۔

دیگر زیر علاج زخمیوں میں دوطالبات اور دوطالب علم شامل ہیں ۔

ساؤگس نامی ہائی اسکول لاس اینجلس سے لگ بھگ چالیس کلومیٹر کے فاصلے پر واقع ہے اور اس میں 2440 طلبہ زیر تعلیم ہیں ۔

I’m saddened to report that we have confirmed a total of two fatalities this morning. One female and one male. We will release more information as it becomes available.

— Alex Villanueva (@LACoSheriff)

مقامی میڈیا نے مقامی پولیس کے حوالے سے بتایا ہے کہ انہیں جائے وقوعہ سے چھ زخمیوں کے علاوہ ایک خالی گن بھی ملی ہے۔

مشتبہ حملہ آور کے بارے میں بتایا گیا ہے کہ وہ اسی اسکول میں زیر تعلیم تھا اور اسکا گھر بھی اسی علاقے میں ہے ۔

پولیس نے مشتبہ حملہ آور کے گھر کا گھیراؤ کرلیا ہے اور سرچ وارنٹس کے انتظار میں ہے جونہی سرچ وارنٹ مل جائیگا تو گھر کی تلاشی لیکر واقعہ سے متعلقہ ثبوت تلاش کرنے کی کوشش کی جائےگی ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.