ہمایوں سعید کا حمزہ عباسی کیلئے نیک تمناؤں کا اظہار

معروف اداکار ہمایوں سعید نے اپنے ساتھی اداکار حمزہ علی عباسی کو ان کی زندگی کی نئی شروعات پر مبارکباد دیتے ہوئے ان کے لیے نیک تمناﺅں کا اظہار کیا ہے۔حمزہ علی عباسی نے چند روز قبل ایک ویڈیو پیغام کے ذریعے اداکاری سے کنارہ کشی اختیار کرنے کا اعلان کرتے ہوئے کہا تھا کہ وہ اب اپنی زندگی اسلام کے مطابق گزاریں گے اور اسلام کا پیغام عام کریں گے۔ ویڈیو پیغام میں حمزہ علی عباسی نے کہا تھا کہ اب وہ اپنی ساری زندگی خدا کے بارے میں باتیں کرتے ہوئے گزارنا چاہتے ہیں۔سوشل میڈیا پر جہاں حمزہ علی عباسی کے فیصلے کو سراہا گیا وہیں اداکار ہمایوں سعید نے بھی حمزہ علی عباسی کو نئی شروعات اور زندگی کے نئے سفر کی مبارکباد دیتے ہوئے ان کے لیے نیک تمناﺅں کا اظہار کیا ہے۔ ہمایوں سعید نے ٹوئٹر پر اپنی اور حمزہ علی عباسی کی تصویر شیئر کرتے ہوئے لکھا خدا حمزہ علی عباسی کو ان کے فیصلے پر ثابت قدم رہنے کی طاقت دے اور انہیں کامیابی عطا کرے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.