اسٹیٹ بینک  نے نئی مانیٹری پالیسی کا اعلان کردیا، شرح سود برقرار

اسٹیٹ بینک آف پاکستان نے آئندہ دو ماہ کے لئے مانیٹری پالیسی کا اعلان کردیا۔ معاشی اعداد شمار کو دیکھتے ہوئے اسٹیٹ بینک نے شرح سود 13.25فیصد پر بر قرار رکھنے کا فیصلہ کیا ہے۔

 تفصیلات کے مطابق آج بروز جمعہ کراچی ہیڈ آفس میں اسٹیٹ بینک  کےگورنر باقر رضا کے زیر صدارت  رواں مالی سال کے آئندہ 2ماہ کے لئے مانیٹری پالیسی  کے حوالے سے اجلاس منعقد ہوا۔

اجلاس کے بعد مرکزی بینک کی جانب سے جاری کردہ اعلامیے کے مطابق ملک کے موجودہ معاشی اعداد شمار کو دیکھتے ہوئے اسٹیٹ بینک مانیٹری کمیٹی نے شرح سود 13اعشاریہ 25فیصد پر برقرار رکھنے کا فیصلہ کیا ہے، اسٹیٹ بینک کےمطابق مہنگائی کی رفتار ابھی بھی بلند سطح پر ہے، جبکہ مالی سال 2019-20 میں مہنگائی کی شرح 11 سے 12 فیصد تک رہنے کی توقع ہے ۔

اسٹیٹ بینک اعلامئے کے مطابق کرنٹ اکاونٹ خسارے میں کمی آنا شروع ہو ئی ہے، جس کی وجہ سے کرنٹ اکاونٹ خسارہ 4 سال بعد اکتوبر 2019 میں سر پلس رہا، جبکہ تجارتی خسارے میں کمی آنا ملکی معیشت کےاہم ثابت ہو گا۔

اسٹیٹ بینک  کے مطابق گذشتہ مانیٹری پالیسی اجلاس میں ہونے والے فیصلوں کے اچھے اثرات آرہے ہیں، کرنٹ اکاونٹ خسارہ 4 سال بعد اکتوبر 2019 میں سرپلس رہا ،اسٹیٹ بینک کراچی:جو کرنٹ اکاونٹ پر بڑھتے دباوٗ کا ایک واضع اشارہ ۔ دوسری جانب تجارتی خسارے میں کمی بھی بہت اہم ہے ۔

 اسٹیٹ بینک کے گورنر باقر رضا کا کہنا تھا کہ آنے والے مہینوں میں مہنگائی کی شرح میں کمی ہوتی دیکھ رہے ہیں ، اشیائے خورد و نوش کی قیمتوں میں اضافے کے باوجود  مہنگائی کی شرح میں کمی ہوگی۔

اجلاس میں زری پالیسی کمیٹی نے 22 نومبر 2019ء کے اجلاس میں پالیسی ریٹ 13.25 فیصد پر برقرار رکھنے کا فیصلہ کیا۔ حالیہ تبدیلیوں نے مہنگائی کے منظرنامے کے مضمرات کا ازالہ کر دیا۔ ایک طرف، مہنگائی بلندی کی طرف مائل ہے۔ دوسری طرف، غذائی قیمتوں میں ہونے والے اضافے اس بلندی کے پس پردہ بنیادی اسباب ہیں ، جاری کھاتے میں مستحکم بہتری اور مالیاتی دُور اندیشی کے تسلسل کی بنا پر مارکیٹ کے احساسات بتدریج بہتر ہونا شروع ہو گئے ہیں۔

 مالی سال 20ء کے لیے اوسط گرانی کا اسٹیٹ بینک کا 11 سے 12 فیصد پر تخمینہ بڑی حد تک برقرار رہا ہے۔ موجودہ زری پالیسی موقف کو برقرار رکھنا مناسب ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.