ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے سندھ گورنمنٹ کے محکمہ یونیورسٹیز اینڈ بورڈز کے جاری کردہ کے مطابق سالانہ امتحانات کیلئے جماعت نہم و دہم سائنس اور جنرل گروپ ریگولر کے ایڈمٹ کارڈجاری کرنے کا اعلان کر دیا ہے۔ انہوں نے کہا کہ اسکولوں کے سربراہان یا ان کے نمائندے اپنے شناختی کارڈ کی کاپی، آفس کارڈ اور اتھارٹی لیٹر کے ہمراہ مقررہ تاریخوں میں میٹرک بورڈ کے کانفرنس ہال پہلی منزل بلاک B سے صبح ساڑھے9 بجے سے شام 5 بجے تک دی گئی تاریخوں کے مطابق ایڈمٹ کارڈحاصل کر سکتے ہیں۔ تفصیلات کے مطابق 5 مارچ کو نیو کراچی، نارتھ ناظم آباد، گلبرگ، لیاقت آباد۔ 6 مارچ کو جمشید ٹاؤن، گلشن اقبال ،7 مارچ کو شاہ فیصل کالونی، ملیر، بن قاسم ،لانڈھی اور 9 مارچ کو کورنگی، صدر، لیاری،کیماڑی، اورنگی، سائٹ، بلدیہ اور گڈاپ حاصل کر سکتے ہیں ۔