کراچی: کورونا کیسز میں تیزی سے اضافہ ملیر کے 7 اسکولز کو بند کردیا گیا
کورونا کی دوسری لہر دنیا بھر میں تیزی سے پھیل رہی ہے۔ کورونا کیسز میں اضافے کے باعث کراچی کے علاقے ملیر ميں 7 سرکاری اسکولوں کو 5 روز کے لیے بند کر دیا گیا ہے۔
محکمہ اسکول ايجوکيشن نے ملیر کے اسکولوں کے اسٹاف سمیت تمام طلبہ و طالبات کو یکم نومبر تک قرنطینہ میں رکھنے کی ہدایت کی ہے جبکہ ايس او پيز پر عمل کرنے کی ہدایت بھی کی ہے۔
واضح رہے کہ انتظامیہ کی جانب سے ایس او پیز پر سختی سے عمل درآمد کرنے کی ہدایات دی جاتی ہیں مگر اسکولوں میں پڑھائی کا حرج ہو رہا ہے اس بات کا بہانہ بنا کر اساتذہ روز بروز تمام بچوں کو اسکول بلا رہے ہیں جس کی وجہ سے کورونا کیسز میں اضآفہ دیکھنے میں آرہا ہے۔
اسکول انتظامیہ کی جانب سے امتحانات کا سلسلہ بھی جاری ہے یہی وجہ ہے والدین بھی بچوں کو ماسک لگا کر سینیٹائزر لگا کر بھیج تو رہے ہیں مگر اس معاملے کو سنجیدگی سے نہیں لیا جا رہا۔