ہائر ایجوکیشن کمیشن (ایچ ای سی) نے دو سالہ ڈگری پروگرام ختم کرنے کا اعلان کردیا، 2018 کے بعد دی گئی تمام 2 سالہ ڈگریاں غیر قانونی قرار۔
تفصیلات کے مطابق ایچ ای سی نے 2018 کے بعد دی گئی تمام دو سالہ ڈگریوں کو غیر قانونی قرار دیتے ہوئے دو سالہ ڈگری پروگرام ختم کرنے کا اعلان کردیا ہے، اب کسی بھی کالج سے بی اے، بی کام، اور بی ایس سی کی دو سالہ ڈگری نہیں مل سکے گی۔
ایچ ای سی کے مطابق دو سال قبل لگائی گئی پابندی کے باوجود غیر قانونی پروگرام کا اجرا تشویشناک ہے، تاہم 31 دسمبر 2018 کے بعد دی گئی ایسی کسی ڈگری کو تسلیم نہیں کیا جائے گا۔
واضح رہے کہ ایچ ای سی حکام نے یونیورسٹیز کو ہدایت کی ہے کہ فوری طور پر ایسے پروگرامز میں داخلے بند کیے جائیں۔