پاکستانی کرکٹ ٹیم کے سابق کپتان شاہد آفریدی کی شہرت تو ہم سب کے علم میں ہے، ان کے مداح ناصرف پاکستان بلکہ بھارت اور دیگر ممالک میں بھی موجود ہیں۔
تاہم گزشتہ روز سوشل میڈیا پر ایک دلچسپ ویڈیو جاری کی گئی جو دیکھتے ہی دیکھتے وائرل ہو گئی۔ ویڈیو میں ایک خاتون جو ائیرپورٹ پر موجود ہیں، شاہد آفریدی کو آواز دے کر کہتی ہیں کہ ''اے بھائی ادھر آؤ، ادھر آؤ بیٹا''۔
ویڈیو میں دیکھا جاسکتا ہے کہ شاہد آفریدی بھیڑ میں سے گزر کر خاتون تک پہنچتے ہیں تو خاتون کہتی ہیں کہ ''یہ لڑکیاں بول رہی ہیں کہ تم شاہد آفریدی ہو؟''
شاہد آفریدی کے ہاں کہنے پر خاتون فوراً ہی کہتی ہیں کہ ''چلو تصویریں لے لو''۔
درحقیقت یہ ویڈیو ٹک ٹاک کی ویڈیو ہے جو سماجی رابطے کی دیگر ویب سائٹس پر وائرل ہو رہی ہے۔