معروف ترک شاعر ترگے ایورن کی سردار عبدالقیوم نیازی سے ملاقات

image

اسلام آباد: معروف ترک شاعر ترگے ایورن نے جموں کشمیر ہاؤس کا دورہ کیا، جہاں انہوں نے وزیراعظم آزاد کشمیر سردار عبد القیوم نیازی سے ملاقات کی

اس موقع پر مقبوضہ کشمیر سے تعلق رکھنے والے حریت رہنما الطاف بٹ، ڈاکٹر ولید رسول و دیگر بھی موجود تھے۔

ملاقات میں مقبوضہ کشمیر کی تازہ صورتحال، تحریک آزادی کشمیر اور باہمی دلچسپی کے امور پر تبادلہ خیال کیا گیا۔

وزیراعظم سردار عبد القیوم نیازی نے مقبوضہ کشمیر میں بھارتی بربریت سے ترک شاعر کو آگاہ کرتے ہوئے بتایا کہ مقبوضہ کشمیر میں آئے روز جعلی مقابلوں میں پڑھے لکھے نوجوانوں کو شہید کر دیا جاتا ہے۔

سردار عبد القیوم نیازی نے ترک شاعر کو بتایا کہ بھارت کے مقبوضہ کشمیر میں ظلم و جبر پر عالمی برادری خاموش تماشائی بنی ہوئی ہے۔

وزیراعظم عبد القیوم نیازی کا کہنا تھا کہ ترک صدر طیب اردگان اور وزیراعظم پاکستان عمران خان امت مسلمہ کا مقدمہ عالمی فورمز پر لڑ رہے ہیں۔

وزیراعظم سردار عبد القیوم نیازی نے ترگے ایورن کے کشمیریوں کیلئے جذبات کو سراہا۔

ترک شاعر ترگے نے مقبوضہ کشمیر میں حالیہ بھارتی ظلم وبربریت کی لہر پر تشویش کا اظہار کرتے ہوئے کہا کہ بھارت کی جانب سے مقبوضہ کشمیر کے بھائیوں پر ظلم و ستم پر دل دکھی ہے، عالمی برادری کو مقبوضہ کشمیر میں انسانی حقوق کی خلاف ورزیوں کا نوٹس لینا چاہیے۔

ان کا مزید کہنا تھا کہ ترکی اپنے کشمیری بہنوں اور بھائیوں کے ساتھ ہے۔

Square Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.