کراچی میں اسٹریٹ کرائمزعروج پر ہیں جن کی وجہ سے مال کے ساتھ ساتھ معصوم شہریوں کی جان سے کھیلنے سے بھی دریغ نہیں کیا جارہا۔ کل رات بھی ایسا ہی دل دہلا دینے والا وقعہ پیش آیا ہے جہاں فیڈرل بی ایریا بلاک 16 میں 20 سالہ مزمل اپنی والدہ کے ساتھ موٹر سائیکل پر جارہا رتھا جہاں چند ملزموں نے ماں بیٹے سے نہ صرف موبائل فون، کیش رقم اور طلائی زیورات چھین لئے بلکہ مزاحمت پر ماں بیٹے دونوں کو گولیاں بھی ماریں۔
پولیس کا کہنا ہے کہ زخمی ہونے والے مزمل اور ان کی والدہ نورالصباح لیاقت آباد صرافہ مارکیٹ سے زیورات خریدے کر اپنے گھر جارہے تھے کہ راستے میں ان کے ساتھ یہ واردات کی گئی۔ گمان کی جارہا ہے کہ ملزمان دکان سے ہی ماں بیٹے کا پیچھا کررہے تھے۔ اے آر وائی نیوز کے مطابق ملزامان نے پینٹ شرٹ پہنی ہوئی تھی اور ان کی تعداد 2 تھی۔ مزمل کی حالت تشویشناک ہے جبکہ ان کی والدہ کی حالت خطرے سے باہر ہے۔