کراچی میں ایک بار پھر درجہ حرارت گر گیا، جاتی سردی نے ایک بار پھر لوگوں کو جیکٹ پہننے پر مجبور کر دیا ہے۔
عام طور پر کراچی میں سردی دسمبر اور جنوری کے بیچ ہی پڑتی ہے، ہم اس سردی کی بار کر رہے ہیں جو کہ کراچی والوں کے لیے سخت ہوتی ہے۔
گزشتہ ہفتے سردی کافی زیادہ تھی لیکن بیچ میں ایک دو دن سردی کی شدت میں کمی واقع ہوئی تھی، جسے کراچی والے یہ سمجھ بیٹھے کہ اب سردی ختم ہو گئی ہے۔
مگر آج ایک بار پھر پارہ سنگل ڈیجٹ پر آ گیا ہے، یعنی 9 ڈگری ریکارڈ کیا گیا ہے۔ محکمہ موسمیات کے مطابق کراچی میں بارش کا امکان نہیں ہے اور مطلع صاف رہنے اور رات کے وقت سردی زیادہ ہونے کا امکان ہے جبکہ قاس دوران درجہ حرارت 7 ڈگری تک بھی جا سکتا ہے۔
سردی کی موجودہ لہر سرد کوئٹہ میں ہونے والی برف باری اور سرد موسم کے باعث ہو سکتی ہے، لیکن یہ سردی کی لہر سرد موسم کی ہی معمولی لہر ہے۔