سچ کہتے ہیں کہ زندگی بہت ناقابل بھروسہ ہے۔ انسان سوچتا کچھ ہے اور ہوتا اس کے برعکس ہے۔ ایسا ہی کچھ ہوا مشہور آسٹریلیا لیگ اسپنر شین وارن کے ساتھ جن کے انتقال کی خبر سے دنیا بھر میں ان کے مداح صدمے کا شکار ہیں۔ شین وارن نے مرنے سے صرف 4 دن پہلے ہی اپنی زندگی کے حوالے سے اپنے فینز کو آگاہ کیا تھا۔
وزن کم کرنا چاہتے تھے
یہ پوسٹ مرحوم کی آخری پوسٹ ثابت ہوئی جس میں وہ کہہ رہے ہیں کہ میں خود کو دوبارہ فٹ کرنا چاہتا ہوں جس کے لئے ورزش کررہا ہوں۔ آج اس ورزش کا دسواں روز ہے۔ امید ہے چند دنوں میں، میں پہلے کی طرح فٹ اور اسمارٹ ہوجاؤں گا
آخری ٹوئٹ کے صرف 4 دن بعد چل بسے
مرحوم کھلاڑی نے اپنی ماضی کی کچھ تصاویر بھی شئیر کیں جن میں وہ کافی فٹ تھے۔ واضح رہے کہ شین وارن تھائی لینڈ میں واقع اپنے ولا میں چھٹیاں منانے گئے تھے جہاں سے 4 مارچ کو مردہ حالت میں پائے گئے۔ انتقال کے وقت ان کی عمر 52 سال تھی۔ شین وارن کی چند دن پہلے کی جانے والی یہ پوسٹ سوشل میڈیا پر تیزی سے وائرل ہورہی ہے۔